Modalidades deportivas

Cada actividade está adaptada ao nivel de desenvolvemento do alumnado, fomentando o seu crecemento integral a través do xogo e o deporte.

En educación infantil:

As actividades céntranse en mellorar as habilidades motoras xerais mediante o xogo, axudándolles aos/ás máis pequenos/as a desenvolver coordinación e movemento de maneira divertida e segura.

En educación primaria:

Nos primeiros cursos, enfocámonos na evolución natural dos xogos motores e en actividades rítmicas que combinan xogo e deporte. A medida que os/as escolares crecen, introdúcense actividades rítmicas que desenvolven coordinación e expresión corporal, deportes específicos adaptados ao seu nivel e xogos de mesa e xadrez para desenvolver habilidades estratéxicas.

• DEPORTES ALTERNATIVOS (colpbol, ultimate, baseball, pickleball...) é unha proposta innovadora que convida o alumnado a explorar actividades deportivas emocionantes, fomentando a creatividade, o traballo en equipo e o desenvolvemento integral nun ambiente divertido. Adaptados a todos os niveis de habilidade, ofrecen unha alternativa atractiva aos deportes tradicionais e promoven o benestar integral dos/as participantes.
• "PEQUEXOGOS, XOGAPRO E XOGAMASTERS"* son encontros deportivos con actividades de competición entre equipos do centro ou intercentros en deportes específicos que  promoven a cooperación, a competencia saudable e o desenvolvemento de habilidades sociais e motrices.

En ESO:

As ANPA dos IES poderán solicitar as mesmas modalidades deportivas propostas para o último tramo de educación primaria.

EDUCACIÓN INFANTIL	EDUCACIÓN PRIMARIA
4.º, 5.º e 6.º	1.º, 2.º e 3.º	4.º, 5.º e 6.º EP ESO e BACHARELATO
XOGOS E MOVEMENTO	RITMO	BAILE MODERNO
		XIMNASIA RÍTMICA
	PRE-ATLETISMO PRE-BALONCESTO PRE-BALONMÁN PRE-FÚTBOL PRE-HÓCKEY SALA PRE-VOLEIBOL DEPORTES DE RAQUETA PREDEPORTE	ATLETISMO
		BALONCESTO
		BALONMÁN
		FÚTBOL
		HÓCKEY SALA
		VOLEIBOL
		DEPORTES DE RAQUETA
		MULTIDEPORTE
XOGOS DE TABOLEIRO	PRE-XADREZ	XADREZ
PRE-PATINAXE 1 (só para 5.º e 6.º cursos)	PRE-PATINAXE 2 PRE-HÓCHEY SOBRE PATÍNS	PATINAXE ARTÍSTICA
		HÓCKEY SOBRE PATÍNS
XOGOS TRADICIONAIS 1	XOGOS TRADICIONAIS 2	DEPORTES ALTERNATIVOS
PEQUEXOGOS (torneos deportivos)	XOGAPRO (torneos deportivos)	XOGAMASTERS (torneos deportivos)

Poderanse solicitar outros deportes sempre que o centro teña as instalacións adecuadas. A Federación Provincial das ANPA avaliará estas propostas para decidir a súa realización.

Máis información sobre as actividades no documento informativo sobre a Proposta de lecer educativo, que se pode descargar desde o apartado "Documentos" desta mesma páxina.

Metodoloxía

Baséase nun modelo participativo e activo de todos os membros do grupo que, independentemente do seu nivel de habilidade, logre que se sintan a gusto na actividade.

Organización das actividades

A oferta de modalidades deportivas de cada centro será determinada pola súa ANPA, conforme á proposta de Lecer da federación, e deberá ser aprobada polo Consello Escolar.

A Federación das ANPA valorará a viabilidade das actividades e poderá propoñer alternativas nos seguintes casos:

1. Cando non se consiga o número mínimo de participantes.
2. Cando se careza de persoal, materiais ou instalacións adecuadas.
3. Se un grupo xa iniciado queda por baixo do número mínimo debido a baixas ou ausencias.

Adxudicación de prazas

As prazas adxudicaranse por rigorosa orde de inscrición, no caso de existir limitacións por razóns organizativas ou de espazo.

Se non se puidese formar un grupo por non chegar ao mínimo de participantes ou non dispoñer dos recursos humanos, materiais ou instalacións idóneas, facilitaráselles ás persoas solicitantes a inclusión noutro grupo xa formado ou ben se valorará conxuntamente coas familias substituír esa actividade por outra que si cumpra as condicións necesarias para a súa posta en marcha.

Condicións de participación

• Cumprir as normas de convivencia do centro e manter unha actitude de respecto no desenvolvemento das actividades. En caso de non cumprirse aplicarase o protocolo disciplinario correspondente.
• A falta de asistencia continuada sen xustificación poderá supoñer a expulsión do programa sen dereito a devolución da cota aboada. Esa vacante poderá ser ocupada por outro escolar que a necesite por estar en listaxe de espera.
• Unha vez comezado o programa, se algún grupo xa formado queda por baixo do ratio mínimo establecido por falta de asistencia dos/as participantes, non podería continuar, e quedará suspendida esa actividade.
• Se unha mesma actividade, para un mesmo tramo de idade, se oferta en dúas franxas horarias diferentes, o/a participante só poderá escoller unha desas dúas franxas horarias.
• As actividades solicitadas escolleranse entre a oferta de actividades proposta pola ANPA de cada centro.
• ALTAS, BAIXAS E CAMBIOS DE ACTIVIDADE: as solicitudes deberán facerse por escrito a través do correo electrónico actividades@fedapascoruna.org, ata o día 20 do mes anterior.

As altas novas e cambios de actividade quedarán supeditadas á existencia de prazas na actividade nova solicitada e ao criterio técnico.

As solicitudes de baixa fóra de prazo implicarán o aboamento da cota na forma habitual.

No caso de devolución da cota, os gastos derivados da xestión bancaria engadiranse na cota para aboar.

A falta de pagamento da cota entenderase como baixa na actividade. Non se poderá acceder a outras actividades ou programas ata estar ao corrente do devandito pago.