- Inicio
- Programas Educativos
- Detalle programa
Gargallada. Novas xeracións na comedia 2025-26
Este programa busca dinamizar o uso da lingua galega a través do humor, o formato monólogo e a expresión oral, proporcionándolle ao alumnado unha experiencia creativa e enriquecedora, en colaboración con humoristas profesionais. Realizar talleres formativos de introdución á interpretación de monólogos cómicos, previos á gala, para potenciar a comprensión e expresión oral en lingua galega, así como a creatividade e a espontaneidade na representación.
Localización do centro:
Só da Coruña
Servizo municipal:
Educación
Tipo de actividade:
Complementaria
Titularidade do centro:
Público, Concertado, Privado
A quen vai dirixido?:
Alumnado de ESO, BACH, FP básica e de grao medio dos centros educativos do Concello da Coruña
Anual
Prezo / Custo:
Gratuíto
Esta actividade, enmarcada dentro da dinamización lingüística, está baseada na creación e posta en escena de monólogos da man de humoristas profesionais da nosa cidade. Non só potenciará a comprensión e a expresión oral, senón que tamén brindará un espazo único para descubrir novos talentos cómicos na aula.
Os monólogos en galego terán unha duración mínima de 3 minutos e máxima de 5. Para garantir unha duración adecuada, a versión escrita deberá contar cunha extensión aproximada de 400 a 700 palabras.
CARACTERÍSTICAS DO PROGRAMA:
O programa consta de:
- Talleres formativos de iniciación á creación e interpretación de monólogos, co obxecto de darlle ferramentas ao alumnado para poder elaborar o texto e ter recursos para a posta en escena. A empresa adxudicataria, en coordinación co SME, establecerá os períodos formativos.
1. Formación inicial para o alumnado: o alumnado participará en sesións de formación que abordarán a definición do tema do monólogo e a súa aproximación á comedia no tema descrito. Ao finalizar, asignarase a un/unha profesional da comedia, que guiará o grupo durante o resto do proceso.
2. Proceso creativo para desenvolver un texto e selección: todo o grupo traballará en equipo no proceso creativo e na elaboración do monólogo en galego normativo, que será tutelado e corrixido por profesionais, ata puír o resultado.
3. Posta en escena: os/as profesionais de cada centro visitarán o alumnado nas súas aulas para preparar a posta en escena e escoller a un ou unha representante de cada grupo que defenderá o monólogo final na gala do concurso.
- Realización do concurso: a presentación dos monólogos farase nunha gala final na que un xurado cualificado elixirá os/as monologuistas gañadores nas distintas categorías.
A actividade culminará nunha gala cun formato profesional, que terá lugar no mes de marzo.
A gala pecharase coa entrega de premios.
Premios:
Haberá un grupo gañador por cada categoría, consistente en 150,00 €, ademais de galardóns.
O xurado poderá propoñer outras mencións especiais, sen prestación económica e no seu veredicto poderá deixar deserto algún premio.
Cando:
Dende o 04/11/2025 ata o 14/04/2026
Formación inicial: novembro e decembro.
Formacion do proceso creativo: xaneiro
Formación de posta en escena: febreiro
Gala: martes 14 de abril de 2026 (data por confirmar)
Inscricións:
Dende o 16/09/2025 ata o 15/12/2025
O alumnado será clasificado nas seguintes categorías:
- Categoría A: alumnado de 1.º e 2.º da ESO
- Categoría B: alumnado de 3.º e 4.º da ESO e FP Básica
- Categoría C: alumnado de Bacharelato e ciclos formativos de grao medio de FP.
O SME poderá variar a composición das 3 categorías, en función do número de grupos inscritos de cada nivel educativo co obxecto de equilibrar o número de grupos que compitan en cada categoría.
Os centros educativos poderán inscribir un máximo de tres grupos por categoría.
A selección dos grupos participantes realizarase por rigorosa orde de entrada da solicitude por centro, de tal maneira que, se se superan as previsións, a prioridade establecerase por centros, é dicir, se un centro presenta varios grupos, a prioridade será a participación do maior número de centros posibles fronte ao maior número de grupos por centro, e sempre tendo en conta que a participación de centros privados non concertados non poderá superar, en ningún caso, nin o 10% do total dos centros participantes, nin o 15% do total dos grupos participantes.
Contacto:
Requisitos:
- Deberá alcanzarse un número mínimo de 10 centros participantes, dos cales polo menos o 90% deberán ser públicos ou concertados; o número máximo de grupos participantes non poderá superar os 30 nin ser inferior a 10 e os grupos procedentes de centros privados non concertados non poderán superar o 15% do total dos grupos participantes.
- De non alcanzar estes mínimos requiridos de centros ou grupos, o programa non se desenvolverá.
Organiza:
Servizo Municipal de Educación
Síguenos en
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible