CONDICIÓNS DE INSCRICIÓN

• Agradecemos que cada grupo se inscriba nunha única obra de teatro durante o curso para que todos os centros teñan opción a inscribirse nalgunha das funcións.
• Prezo da entrada: 2,00 € por alumna/ou para o alumnado de todos os niveis e gratuíta para o profesorado acompañante.
• Cada grupo deberá estar acompañado, polo menos, por unha persoa responsable do centro.
• A programación de educación infantil está pensada para escolares a partir de 4 anos.
• A capacidade máxima será de 300 espectadores/as (incluído o profesorado) no Forum e de 325 no Ágora; ou o que estipule a lexislación sanitaria vixente en cada momento.
• En función das características do espectáculo e do nivel dos/as escolares, pódese producir unha redución da capacidade da sala.

ADXUDICACIÓN

• As prazas adxudicaranse AUTOMATICAMENTE POR RIGOROSA ORDE DE PETICIÓN. Posteriormente, serán confirmadas por correo electrónico, con aviso dos prazos para o aboamento de entradas.
• Os centros escolares que se apunten aos espectáculos mediante a prereserva na páxina de Coruña Educa deberán aboar o seu custo no prazo establecido na páxina de Coruña Educa. Ademais comunicaráselles por correo electrónico. De non facerse efectiva a reserva en firme mediante o pago do importe correspondente ás entradas do alumnado asistente ao espectáculo no prazo establecido, perderán o dereito a asistencia e correrá a listaxe de agarda.
• Se houber máis demanda de prazas que oferta, abriríase unha listaxe de agarda para cada función, co obxecto de cubrir posibles baixas de grupos ou centros

IMPORTANTE: a aplicación informática de inscrición emite un informe da súa inscrición. COMPROBE SE TEN AS PRAZAS ADXUDICADAS OU SE ESTÁN NA LISTAXE DE AGARDA.

RETIRADA E ABOAMENTO DAS ENTRADAS

1. As entradas deben ser retiradas e aboadas no prazo que consta no calendario que aparece a continuación.
2. No caso de que non se faga o pago no prazo estipulado, adxudicaránselle as entradas a outro centro escolar que estea na listaxe de agarda.
3. As entradas recolleranse no Forum Metropolitano, con cita previa (chamando ao teléfono 981 184 297). O pago poderá realizarse en efectivo ou con tarxeta.
4. No momento de aboar as entradas, poderase reducir o número de reservas ou aumentalas se quedan prazas vacantes.
5. Permitiranse un máximo dun 10% de devolucións (sobre a reserva feita polo centro nun primeiro momento), a condición de que non excedan de 10 entradas por función e centro. O importe devolverase ao termo da función, no Forum. No caso de que fosen aboadas con tarxeta de crédito haberá que presentala.
6. A factura enviaráselle ao centro escolar unha vez realizada a función.

PAUTAS QUE HAI QUE SEGUIR NO FORUM PARA QUE O ESPECTÁCULO SEXA UN ÉXITO

1. Vimos todos/as a divertirnos e a gozar do teatro, sen esquecer respectar sempre o traballo das persoas que están no escenario e na sala. Debemos seguir as instrucións do persoal de sala en todo momento e actuar con responsabilidade.
2. A hora destacada na entrada é a hora de inicio da función.
3. Agradécese puntualidade. É aconsellable chegar ao Fórum con 10 ou 15 minutos de antelación.
4. Agradécese que a entrada e saída do edificio se faga en orde e no maior silencio posible, para evitarlle molestias ás persoas usuarias e traballadoras do Forum.
5. Todas as persoas que asistan ao espectáculo accederán ao auditorio portando cada unha a súa entrada.
6. Unha vez que comece o espectáculo, non se permitirá o acceso ao auditorio.
7. Por seguridade, hai que deixar libres os corredores e as portas de emerxencia do auditorio.
8. Non está permitido sacar fotos nin gravar durante a función. Se queren unha foto de grupo, poderán sacala ao termo da función, previo aviso á xefa de sala.
9. Non está permitido comer nin beber no auditorio.

PROGRAMACIÓN

Lugar: todos os espectáculos serán no Forum Metropolitano, excepto o espectáculo "Alta Costura", que será no Ágora.

AVANCE PROGRAMACIÓN PRIMAVERA 2027:

Teatro para Educación Infantil (a partir de 4 anos) e Educación Primaria

Espectáculo	Compañía	Nivel educativo	Datas	Horario	Duración	Data tope de aboamento
LA ISLA DEL TESORO	Inhabitans (Cataluña)	3º-4º-5º-6º curso	19 febreiro 2027	10.00 e 12.00 h	60 min	19 febreiro 2027
TACHÁN	Inventi Teatro (Galicia)	Infantil a partir de 4 anos / 1º-2º curso	12 marzo 2026	10.00 e 12.00 h	50 min	26 febreiro 2027
SCROOGE Y LOS FANTASMAS	Khea Ziater (Pais Vasco)	1º-2º-3º-4º-5º-6º curso	2 abril 2026	10.00 e 12.00 h	60 min	18 marzo 2027
FALA FALA FALANGUEIRA	Matrioshka Teatro (Galicia)	2º-3º-4º-5º-6º curso	13 maio 2026	10.00 e 12.00 h	50 min	27 abril 2027
MOKO	Teatro Gorakada (País Vasco)	2º-3º-4º-5º-6º curso	27 maio 2027	10.00 e 12.00 h	55 min	12 maio 2027

Teatro para Educación Secundaria e Bacharelato

Espectáculo	Compañía	Nivel educativo	Datas	Horario	Duración	Data tope de aboamento
ALTA COSTURA (Centro Ágora)	Elefante Elegante (Galicia)	ESO - Bach	12 marzo 2027	11.30 h	70 min	26 febreiro 2027
CARTOGRAFÍA DUN NAUFRAXIO	Mariña Lestón (Galicia)	ESO - Bach	14 maio 2027	11.30 h	50 min	27 abril 2027