O Concello de A Coruña abre unha nova convocatoria para solicitar praza nas escolas con prazas vacantes. O total de 73 prazas que oferta distribúese da seguinte maneira, segundo escola e ano de nacemento das cativas e cativos:

Prazo de solicitude e adxudicación das prazas

O prazo de solicitude será desde o 2 ata o 10 de outubro, ambas datas incluídas.

A documentación e a ficha de solicitude asinada polos dous proxenitores deberá presentarse, preferiblemente, no rexistro electrónico do Concello (https://sede.coruna.gob.es), nos rexistros municipais ou por calquera outro medio permitido pola Lei de Procedemento Administrativo.

A adxudicación das mesmas está sometida aos criterios de baremación sinalados nas Bases reguladoras do proceso de admisión nas escolas infantís integradas na REIM para o curso 2022-2023 .

Publicación das listaxes definitivas e matrícula

As listas definitivas faranse públicas o 24 de outubro e a matrícula deberá formularse entre o 26 e 27 de outubro, previa cita fixada pola escola correspondente.

A EIM Monte Alto trasládase á EIM Luis Seoane

De forma temporal, a escola infantil municipal Monte Alto traslada as súas aulas á escola infantil municipal Luis Seoane, na rúa Vigía s/n.