Entre o 23 de marzo e o 3 de abril realizarase unha nova edición das Xornadas de Orientación Universitaria e Profesional (XOUP), que ofrecen a oportunidade de coñecer os ciclos formativos e estudos superiores de deseño que se imparten na cidade, así como os estudos universitarios da comunidade autónoma galega.

Para participar nelas, os centros débense inscribir en liña a través da ficha específica "Coruña orienta: XOUP 2019-20". Os centros da Coruña poderán facelo do 2 ao 18 de marzo, e os de fóra da cidade, do 12 ao 18 de marzo, ás 14:00 horas en ambos os casos.

Credenciais de acceso

Unha vez realizada a solicitude, a aplicación elabora un pdf coas credenciais que o centro debe imprimir e entregarlle ao alumnado.

O alumnado ten que presentar a credencial correspondente para acceder ás visitas aos centros de FP e ás mesas universitarias. A organización pode solicitar que a persoa asistente acredite a súa identidade cun documento oficial.

Máis información: XXVIII Xornadas de orientación universitaria e profesional (XOUP 2020-2021)