O programa Visitas escolares ás bibliotecas 2025-26 , dirixido a alumando de 4.º a 6.º de educación infantil e de 1.º a 6.º de educación primaria de centros educativos do concello, abre o prazo de inscrición o vindeiro mércores 15 de outubro e ata o 15 de novembro.

Como novidade da edición deste ano, cada centro educativo terá asociada unha biblioteca de referencia, que se pode consultar na páxina do programa.

A inscrición realizarase a través da ficha de solicitude. En todo caso, unha vez asignada a visita, o profesorado comprométese a manter coa biblioteca os contactos necesarios para a súa preparación e a realizar co seu alumnado, no centro escolar, as actividades previas que se especifiquen para cada visita.

Máis información na páxina do programa: Visitas escolares ás bibliotecas 2025-26