Coa publicación das listas definitivas de persoas admitidas, excluídas e en espera da convocatoria extraordinaria de xullo da Rede de Escolas Infantís Municipais (REIM), de admisión para o curso 2025-2026, ábrese o prazo de matrícula do 9 ao 12 de setembro (ambos os días incluídos).

Tal e como se indica nas Bases reguladoras do proceso de admisión nas escolas infantís integradas na Rede de Escolas Infantís Municipais (REIM) para o curso 2025-2026, a matrícula será xestionada por cada unha das escolas da REIM.

A persoa solicitante deberase dirixir á escola asignada e presentar a seguinte documentación:

• Cartilla sanitaria do neno/a.
• Cartilla de vacinas do neno/a.
• De ser o caso, informe médico sobre alertas e intolerancias.
• Calquera outra documentación que a escola requira en función das circunstancias particulares de cada caso.