- Inicio
- Programas Educativos
- Detalle programa
Bolsas Europa FP. Proxecto Acoreuropa IX
Acoreuropa
Programa inscrito no programa Erasmus + da Unión Europea, polo que se organizan e posibilitan prácticas de formación, de tres meses de duración en empresas de diversos países europeos para recentemente titulados de FP Superior nos centros adscritos ao programa.
Localización do centro:
Só da Coruña
Servizo municipal:
Educación
Tipo de actividade:
Outras
Titularidade do centro:
Público
A quen vai dirixido?:
Titulados de ciclos superiores de FP específica en en decembro de 2019 e xuño de 2020, nos centros educativos de FP adscritos ao programa: CIFP Anxel Casal, CIFP Imaxe e Son, CIFP Paseo das Pontes, CIFP Someso, IES Eusebio da Guarda, IES Fernando Wirtz, IES Ramón Menéndez Pidal, IES Urbano Lugrís e IES A Sardiñeira.
No caso das persoas tituladas en xuño de 2020, a súa participación quedará supeditada á xustificación de ter terminado o ciclo e superada a FCT.
Unha vez que se aproben as bases da IX edición publicaranse o resto dos requisitos para as persoas solicitantes.
Prezo / Custo:
Gratuíto.
Dotación da bolsa
As persoas participantes recibirán en concepto de bolsa unha axuda económica 1.500,00 € destinada a financiar os gastos de manutención no país de destino (alimentación, viaxes locais e demais gastos diarios).
Ademais financiaranse as viaxes e o aloxamento.
A contía total está calculada sobre a base dos importes establecidos polo SEPIE e a achega municipal e da Deputación.
Obxecto:
O obxecto deste programa é promover a aprendizaxe e a formación de mozos/as profesionais en Europa, así como o coñecemento do idioma e a cultura doutros países, mediante a concesión de bolsas para a realización de prácticas formativas en empresas de diversos países de Europa.
Cos obxectivos de:
- Apoiar a adquisición de competencias e mellorar o desenvolvemento persoal e as oportunidades de emprego
- Mellorar a competencia en linguas estranxeiras
- Aumentar a conciencia e comprensión doutras culturas e países
- Asegurar un mellor recoñecemento das competencias adquiridas en períodos de aprendizaxe no estranxeiro
Servizos incluídos no programa
O programa inclúe os seguintes servizos para cada participante:
- Viaxes e desprazamentos de ida e volta desde A Coruña ata a poboación de destino
- Aloxamento no país correspondente durante o período da estadía
- Contrato de formación non laboral por unha empresa do país correspondente durante un período de 90 días
- Axuda económica para financiar a manutención durante a estadía
- Titorización da estadía e das prácticas formativas por persoal especializado, tanto da empresa como da organización intermediaria no país de destino
- Realización, como mínimo, de dúas xornadas de preparación específica para as persoas participantes no programa
- O acceso a un curso "en liña" dos idiomas dos países de destino
- Seguro de asistencia sanitaria e de responsabilidade civil
- Tramitación da documentación ante o Servizo Español para a Internacionalización da Educación (SEPIE)
Condicións do programa
Dentro do prazo de presentación de solicitudes, ademais de formalizar a ficha de inscrición na web www.coruna.gal/educación , as persoas interesadas deberán achegar unha serie de documentos nos rexistros municipais.
A selección realizarase tendo os seguintes criterios (por confirmar nas bases):
- Cualificación media final no ciclo formativo: ata 5 puntos
- Valoración do informe da titoría do centro onde a/o participante realizase os seus estudos: ata 5 puntos
- Cualificación do idioma estranxeiro: ata 10 puntos, de acordo co nivel de lingua estranxeira adquirido no Marco Común Europeo das Linguas
- Entrevista persoal: ata 3 puntos
- Por discapacidade da persoa solicitante igual ou superior ao 33%, sempre que a súa discapacidade non lle impida o desenvolvemento das prácticas formativas: 2 puntos
Entidades colaboradoras
Nove centros educativos públicos de FP da Coruña, con titulacións de grao superior adscritos ao proxecto, que xunto coa Deputación (que achega financiamento) e o Concello da Coruña conforman o Consorcio.
O Servizo Español para a Internacionalización da Educación (SEPIE), do Ministerio de Educación, Cultura e Deporte, que ten como misión xestionar a participación española no Programa Erasmus +.
Cando:
Dende o 01/06/2018 ata o 31/05/2020
O período de realización das prácticas formativas será de setembro a decembro de 2020 (por confirmar).
Duración das prácticas: 3 meses (90 días).
Xa rematou
Inscricións:
Dende o 13/12/2018 ata o 28/12/2018
Inscrición alumnado
Na ficha específica
Contacto:
Requisitos:
Segundo as bases do programa
Organiza:
Concello da Coruña, en convenio co Servizo Español para a Internacionalización da Educación (SEPIE) do Ministerio de Educación e a Deputación Provincial da Coruña
Documentos:
Novas relacionadas
Entidades
Documentos relacionados
Síguenos en
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible