Actividades e quendas

As actividades programadas terán un carácter multidisciplinar, con propostas que irán dende a animación á lectura ata os xogos e deportes, pasando polos xogos de enxeño, actividades musicais, teatrais etc.

Como o curso pasado, haberá 1 hora diaria de inglés para cada grupo, dentro da propia programación do Campacole.

Todas estas propostas xirarán arredor dun mesmo fío condutor ou temática en cada quenda:

• 1.ª quenda (22 de xuño a 3 de xullo) - Á abordaxe!: prepárate para ser un pirata e cruzar os sete mares xunto á nosa tripulación. Descifra mapas antigos, supera retos e atopa o tesouro escondido. Arriade as velas e preparade o desembarco!
• 2.ª quenda (6 a 17 de xullo) - Pinceladas no tempo: descubre os secretos da arte e viaxa dende a pintura rupestre ata os deseños máis xeométricos, dende os clásicos ata as vangardas. Coñece e xoga coas grandes obras de todos os tempos e mergúllate neste paseo pola arte. Esperta o xenio que levas dentro!
• 3.ª quenda (20 a 31 de xullo) - Misión espacial: este ano, o fenómeno do século cruza A Coruña. O sol, a lúa e as eclipses cobran vida e ocuparán os días nesta quenda. Convértete en astrónomo/a, en vixiante do espazo, para realizar simulacións, experimentos e descubrir misterios espaciais.

Lugares de realización

CEIP Juan Fernández Latorre; CEIP María Barbeito; CEIP Novo Mesoiro; CEIP Ramón de la Sagra; CEIP San Francisco Xabier; CEIP San Pedro de Visma; CEIP Torre de Hércules; CEIP Wenceslao Fernández Flórez.

Número de prazas

1.080 prazas en total (360 por quenda: 45 prazas en cada centro escolar en 3 grupos de 15 escolares por sede e quenda)

Terá preferencia, ata un 33% das prazas por quenda, o alumnado que estea matriculado no centro que é sede do campamento.

Publicación de listas provisionais

• Campacoles 2026 - Lista provisional de persoas preinscritas

Tras a publicación das listas provisionais, ábrese un prazo de reclamación durante os días 18 e 19 de maio, ambos os días incluídos.

Publicación de listas definitivas e sorteo de prazas

• Campacoles 2026 - Lista definitiva de persoas preinscritas

Unha vez finalizado o prazo de presentación de reclamacións ante as listas provisionais, publicouse, o día 20 de maio, a lista definitiva de persoas preinscritas.

O sorteo de prazas realizouse o xoves 21 de maio, ás 08.35 horas. O número resultante foi o 974 (app-sorteos.com/w/WM6QDE3).

O luns 1 de xuño publicarase a listaxe definitiva de persoas seleccionadas.

Publicación de listas de persoas admitidas e en espera e prazo de inscrición e pago

O día 1 de xuño publicáronse as listas definitivas de persoas admitidas e en lista de espera por centro. A adxudicación de prazas realizouse atendendo aos criterios publicados nas bases, tendo en conta que o número de preinscrición seleccionado no sorteo público realizado o 21 de maio na sede da Federación de ANPAS foi o 974.

As listas pódense consultar e descargar desde a sección de "Documentos relacionados" desta mesma páxina.

Prazo de inscrición e pago

Para formalizar a inscrición deberase facer o ingreso da cota e o envío do xustificante bancario correspondente (consultar o importe das quendas e dos servizos admitidos (ADM.), atendendo ás táboas correspondentes). Están exentos do pago da cota do seguro aqueles/as escolares que participasen nalgún programa da Federación das ANPA no curso 2025/2026.

O pagamento da cota correspondente realizarase mediante transferencia á conta da Federación Provincial das ANPA: ES37 2100 6359 5802 0006 1816, co concepto:

• Nome do/a escolar
• Quenda/s e servizos nos que foi admitido/a (madrugadores, comedor...).

O prazo de pago e envío do xustificante será desde o 2 ata o 5 de xuño. Cómpre que se achegue na web https://app.fedapascoruna.org/login o comprobante de transferencia do pago no panel de familias/inscricións realizadas.

MOI IMPORTANTE: de non realizarse o pago e achegar o comprobante correspondente no prazo indicado, entenderase como renuncia á praza e, por tanto, considerarase a praza vacante e cubrirase co escolar correspondente da lista de espera.