Os espazos municipais de información xuvenil do Concello da Coruña, enmárcanse no servizo de Mocidade, dentro da área de Benestar Social, Participación e Igualdade.

Caracterízanse por unha serie de trazos que os fai singulares e que os define como instrumentos para facilitar a autonomía persoal da mocidade e para ofrecerlles unha atención integral e de calidade. Fronte a un modelo centralizado, o Concello da Coruña aposta pola descentralización dos servizos de información xuvenil e polo achegamento á mocidade, convertendo a dimensión territorial nun eixe estratéxico que permita a creación dunha nova relación co sector xuvenil na súa dimensión máis ampla.