- Inicio
Información Xuvenil
Os espazos municipais de información xuvenil do concello da Coruña, enmárcanse no servizo de Mocidade, dentro da Área de Benestar Social, Participación e Igualdade. Caracterízanse por unha serie de trazos que os fai singulares e defíneos como instrumentos para facilitar a autonomía persoal da mocidade e para ofrecerlles unha atención integral e de calidade. Fronte a un modelo centralizado, o Concello da Coruña aposta pola descentralización dos servizos de información xuvenil e polo achegamento á mocidade, convertendo a dimensión territorial nun eixe estratéxico que permita a creación dunha nova relación co sector xuvenil na súa dimensión máis ampla.
Coñece a Rede de Información Xuvenil
A rede de espazos de información xuvenil da cidade caracterízase por ser centros xeneralistas nos que a xente nova pode atopar toda a información que necesitan: educación, lecer e tempo libre, mobilidade, asociacionismo, vivenda, emprego... Tamén contemplan asesorías especializadas, de centros de interese que, no transcurso dos anos, resultaron de máximo interese para as/os mozas/os da cidade.
Realizan, ademais, un traballo transversal que se desenvolve non só con outras áreas do Concello, senón tamén coas entidades xuvenís, asociacións e colectivos da cidade sendo un espazo que ofrece, ademais de información, recursos especializados atendidos por persoal cualificado e unha atención que oriente e acompañe á mocidade na toma de decisións.
Non perdas
Actualidade
-
Prazas de residencia para persoas colaboradoras bolseiras nos CRD da Coruña, Ourense e Vigo
Inscricións:
Ata o 07/08/2026
No caso de prazas vacantes: 31 de agosto - 4 de setembro de 2026.
A Consellería de Educación, Ciencia, Universidades e Formación Profesional convoca o procedemento para adxudicar prazas de residencia ás persoas colaboradoras bolseiras nos centros residenciais docentes da Coruña, Ourense e Vigo para o curso académico 2026/27.
-
Prazas de residencia nos CRD da Coruña, Ourense e Vigo para realizar estudos postobrigatorios non universitarios no curso 2026/27
Inscricións:
Alumnado de bacharelato: 20 de xuño - 17 de xullo de 2026. Alumnado de FP: 20 de xuño - 5 de agosto de 2026.
A Consellería de Educación, Ciencia, Universidades e Formación Profesional pon en marcha o procedemento para adxudicar as prazas de residencia nos centros residenciais docentes da Coruña, Ourense e Vigo ao alumnado que curse estudos postobrigatorios non universitarios en centros docentes públicos ou privados concertados na Coruña, Culleredo, Ourense e Vigo.
-
Verán novo 2026
O Ministerio de Transportes e Mobilidade Sustentable pon en marcha o programa Verán Novo: descontos para facilitar aos mozos de entre 18 e 30 anos viaxar tanto por España, en trens e os autobuses de titularidade estatal, como por Europa con Interrail.
-
Premios de educación secundaria obrigatoria ao esforzo e á superación persoal, curso 2025/26
Inscricións:
Ata o 20/07/2026
A Consellería de Educación, Ciencia, Universidades e Formación Profesional convoca ata 20 premios de educación secundaria obrigatoria ao esforzo e á superación persoal correspondentes ao curso 2025/26, coa finalidade de dar recoñecemento ao esforzo e á dedicación do alumnado que, por circunstancias socioculturais, familiares ou persoais, ten desvantaxe cara conseguir rematar os seus estudos ou vese condicionado o seu rendemento escolar, a súa relación persoal e a súa inserción social.
-
Certificado de conselleiro de seguridade para o transporte de mercadorías perigosas por estrada e por ferrocarril
Inscricións:
Ata o 22/06/2026
A Consellería de Presidencia, Xustiza e Deportes convoca as probas dirixidas á obtención e á renovación do certificado de conselleiro de seguridade para o transporte de mercadorías perigosas por estrada e por ferrocarril.
-
Coruña en forma 2026
Cando:
Xullo e agosto de 2026.
O Concello da Coruña presenta unha nova edición de "Coruña en forma", que ofrece actividades deportivas dirixidas, abertas á cidadanía, sen inscrición previa, e totalmente gratuítas para promover hábitos de vida saudables durante os meses de xullo e agosto. Esta iniciativa ten como obxectivo converter os espazos públicos e urbanos en instalacións deportivas ao aire libre.
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible