- Inicio
- Programas Educativos
- Detalle programa
Natación escolar 2025-26
O Servizo Municipal de Deportes do Concello da Coruña oferta, para escolares dos centros educativos públicos da cidade, o programa de Natación Escolar, co fin de posibilitar aos escolares da cidade unha aprendizaxe significativa no medio acuático e un avance das as súas técnicas de natación.
Localización do centro:
Só da Coruña
Servizo municipal:
Deportes
Tipo de actividade:
Extraescolar
Titularidade do centro:
Público
A quen vai dirixido?:
Alumnado de 3º e 4º de EP de CEIP da cidade, ofertando un total de 415 prazas.
A actividade desenvolverase na Piscina Municipal de San Amaro, Piscina do Complexo Deportivo San Diego e Piscina Municipal de Riazor.
A cada centro asignaráselle unha Piscina Municipal na que se desenvolverá a actividade.
Horario:
O programa desenvólvese durante o curso escolar, en 1 sesión semanal dentro do horario extraescolar.
Prezo / Custo:
Matrícula e formalización da inscrición
A matrícula formalizarase no prazo establecido en cada unha das Instalacións Municipais mediante o pago da da taxa correspondente segundo a Ordenanza Fiscal en vigor (55,07 euros).
O pago poderá efectuarse en efectivo ou con cartón nas caixas de cada Piscina Municipal (Riazor, San Diego, San Amaro) de forma presencial e por orde de chegada, entregando a folla de inscrición debidamente cuberta.
Este pago inclúe o desenvolvemento da actividade de natación, o traslado en autobús desde o centro e cobertura sanitaria.
Obxecto:
- Favorecer o desenvolvemento integral do alumnado a través do medio acuático.
- Conseguir a familiarización e adaptación do alumnado ao medio acuático.
- Contribuír ao proceso de educación e integración do alumnado.
- Utilizar a auga como medio de recreo, co fin de xerar diversión e benestar a través do medio acuático e o movemento.
- Desenvolver aspectos físicos, psíquicos e de relación social do individuo, coa finalidade de mellorar a calidade de vida.
- Desenvolver as habilidades psicomotrices do alumnado, así como xerar hábitos de vida saudables a través do movemento e o exercicio físico.
- Crear hábitos correctos de hixiene diaria.
- Mellorar a condición física xeral do alumnado
Cando:
Dende o 01/10/2025 ata o 29/05/2026
Inscricións:
Dende o 08/09/2025 ata o 14/09/2025
As solicitudes presentásense a través dun FORMULARIO habilitado na web www.coruna.gal/deportes.
- LISTAXE PROVISIONAL de solicitantes: Publicarase unha listaxe provisional de solicitantes, no que se poderán revisar os datos persoais, e abrirase un prazo para a corrección de erros. DATA: 15 de setembro.
- CORRECCIÓN DE ERROS: Abrirase un prazo para a corrección de erros desde a publicación da listaxe provisional de solicitantes. As alegacións presentaranse por correo electrónico á dirección programasdeportivos@coruna.gal. PRAZO: 15 e 16 de setembro.
- SORTEO: No caso de que existan máis solicitudes que prazas, para establecer a orde de adxudicación de prazas, celebrarase un sorteo público da letra que establecerá o corte para a adxudicación. A ligazón ao sorteo publicarase na páxina web www.coruna.gal/deportes. Para a asignación de prazas terase en conta a letra do primeiro e segundo apelido do alumno/alumna. DATA: 17 de setembro ás 09:00h.
- LISTAXE DEFINITIVA: publicarase a listaxe de adxudicación de prazas e listaxe de espera se o houbese. DATA: 17 de setembro ás 15:00h.
Contacto:
Máis información:
Máis información en documentos anexos
Documentos:
Natación Escolar 2025/2026. Descrición e normas de participación (1 MB)
Modelo de Formulario de inscrición e carta de pago de taxas (443 KB)
Síguenos en
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible