No marco da semana do ciclismo, a asociación Agaxorde, en colaboración co departamento de Seguridade Cidadá do Concello da Coruña, bicicoruña, Mobilízate, a Deputación da Coruña, a Xunta de Galicia e Deporte Galego, realiza unha xornada de sensibilización sobre o uso correcto da bicicleta e o patinete eléctrico, orientada a alumnado do último curso de primaria dos colexios da cidade.

A sesión, que se celebrará o día 16 de xuño no salón de actos do Ágora, ás 11:00h, durará ao redor de 90 minutos.

A xornada será impartida por un policía local, un xornalista e un ex-ciclista profesional que compartirán recomendacións para o bo uso das bicicletas, xa sexa como actividade de lecer, como actividade deportiva ou como medio de transporte, incluíndo tamén recomendacións de seguridade viaria para a mellor protección dos/as usuarios/as da bicicleta.