Uso de cookies nas páxinas web do Concello da Coruña

Nas páxinas web municipais utilizamos cookies propias e de terceiros para mellorar os nosos servizos mediante a análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso".

EidusCoruña

Reforma do pavillón da praza José Toubes para crear o novo espazo xuvenil "O Remanso"

INFORMACIÓN XERAL

Operación: Recuperación de locais en desuso para mocidade e colectivos informais (LA33)

Obxectivo temático: promover a inclusión social e loitar contra a pobreza (OT9)

Orzamento: 359.140,10 €

Financiamento FEDER: 80%

Estado: terminada

Prazo de execución: 8 meses

Contratista: Desarrolla Obras y Servicios S.L.

DESCRICIÓN

Trátase da reforma da antiga cafetería "O Remanso" situada na praza José Toubes Pego coa finalidade de centralizar as actividades cívicas e sociais que teñen lugar no barrio de Catro Camiños.

O proxecto de rehabilitación do pavillón pretende, en primeiro lugar, enriquecer a relación coa súa propia contorna. Actualmente o edificio posúe dúas entradas laterais sen ningún tipo de transición entre elementos. A reforma propón un cambio no seu funcionamento para poder xerar un vestíbulo aberto á pérgola de formigón preexistente.

A configuración simétrica do edificio é rotunda mais, ao carecer a súa contorna desta condición simétrica, enténdese necesaria unha nova configuración destes espazos exteriores. Por unha banda, preténdese introducir visualmente a vexetación dentro da sala, para o que se eliminan as zonas pavimentadas dos seus lados sur e oeste e onde a profundidade do parque o permite, proponse un pequeno lugar de estadía exterior, vencellado co parque e a propia sala e que, ao mesmo tempo, podería funcionar de acceso alternativo.

A outra prioridade a considerar é o tratamento da pérgola preexistente. Eliminarase a actual cuberta de vidro creando un novo recubrimento vexetal que dialogue co parque. Deste xeito, a pérgola pasará a ter un maior protagonismo no conxunto. Ante a necesidade de cubrir o espazo inmediatamente anterior ao vestíbulo do centro cívico, óptase por continuar coa mesma lóxica construtiva de amoreamento de elementos perpendicularmente e, por iso, cubrirase con pezas de vidro traslúcido de sección en "U" , da mesma dimensión que o propio intereixe das trabes de formigón.

Finalmente, readáptase o deseño do banco-xardineira da pérgola para que poida usarse como asento, tanto desde a zona de acceso ao centro cívico como na beirarrúa de agarda do servizo de autobuses urbanos. Para iso, execútase tamén unha lixeira estrutura metálica apoiada na estrutura de formigón, e cuberta coa mesmas pezas de vidro que na pérgola para xerar unha marquesiña aberta cara á fonte de Catro Camiños.

No interior do pavillón, a idea fundamental será acumular os espazos servidores no volume orixinal de menor altura, dotando o complexo de comunicacións verticais e servizos de aseo, limpeza, instalacións e almacenaxe, para así poder liberar espazo para as dúas salas multiusos dispostas en cada andar. A sala principal manterase de cristal para fomentar a sensación de pavillón de parque e transfórmase o actual oco de dobre altura nun lucernario que independiza as dúas salas e ilumínase de xeito natural a cabeceira da sala de sooto.

LIGAZÓNS DE INTERESE

Solicitude Edi

Contratación

Proxecto técnico

Nuevo espacio juvenil "O Remanso"

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

?

Iniciar sesión