A Escola Municipal de Música da Coruña, foi inaugurada polo Excmo. Concello da Coruña, o 22 de novembro de 1998; coa finalidade de achegar todo tipo de música aos cidadáns, tanto do municipio como dos seus arredores.
Ao longo desta traxectoria educativa, a Escola contou cunha media de 650 alumnos por curso académico, con idades desde os 4 anos en diante; todos con diferentes intereses, gustos musicais e capacidades, pero todos coas mesmas ganas de aprender música. Para iso, a Escola conta con diversas áreas:
- Música e Movemento (adaptado a nenos entre 4 e 7 anos)
- Área Xeral (a partir de 8 anos) que se divide en: Clásica, Jazz, Moderna e Tradicional
A Escola ten catro obxectivos:
1) Conseguir a máxima participación cidadá, co maior número posible de estilos musicais
2) Achegar a música a todos os sectores sociais
3) Prestar o soporte e a guía necesaria para a aprendizaxe
4) Seguir o lema de Música "para todos"
Ao longo destes anos, a Escola animou e impulsou aos seus alumnos para participar en certames e concursos convocados polas institucións, para fomentar o desenvolvemento da música. É a partir do 2001, cando se empezaron a ofrecer concertos fose do Centro, dándolle así aos alumnos, a oportunidade de mostrar ao público o aprendido nas aulas, tocando en directo. O noso alumnado, xunto co profesorado, chegou a tocar nun gran número de centros, teatros e auditorios, en toda Galicia. Mesmo, chegando aos escenarios de diversas cidades de España e Portugal.
Como exemplo de actuacións, poderiamos citar aos alumnos de Música Tradicional no "Concurso de Música Tradicional Xiradela", a Jazz Emsemble na "Mostra Musical do Eixo Atlántico ", o Coro con concertos de ámbito nacional, as Agrupacións de Moderna tocando por diversos puntos da cidade e no Festival de Intercentros, as Agrupaciociones de Música e Movemento participando en eventos nas bibliotecas municipais e as Agrupacións Tradicionais tocando en certames da cidade.
No mes de xullo do ano 2000 celebrouse o primeiro Seminario de Jazz na Cidade da Coruña, organizado pola Escola, e co obxectivo de crear un encontro entre destacados profesionais nacionais e estranxeiros, con afeccionados e músicos locais.
A Escola Municipal de Música da Coruña, é un centro de ensinos non regrados que, por tanto, dispón de autonomía para deseñar a súa organización educativa e administrativa, tendo presentes as condicións socioeconómicas e culturais da súa contorna, sempre contando co apoio e directrices, tanto do Concello da Coruña como do Consorcio para a Promoción da Música
Se non fuches admitida/ou, non te preocupes, porque gardaremos os teus datos, e en canto teñamos praza, poñerémonos en contacto contigo.
Para aquelas/vos que non realizastes a preinscrición e esteades interesadas/vos en estudar connosco/vos, podedes enviar un correo electrónico a jefaturaem@coruna.gal, indicando o voso nome, número de teléfono, data de nacemento e intrumento/s no que estades interesadas/vos (se tedes a idade para matricularvos en área xeral). Se queda algunha vacante poñeriámonos/poñeriámosnos en contacto convosco/vos, sempre tendo en conta que terán prioridade as/vos que realizaron o proceso de preinscrición.
O pasado venres 4 de abril celebramos a Gala do curso 2024-25 no Teatro Colón da Coruña. Nela participaron varias áreas da escola: un combo de música moderna (o gañador do Torre67 Fest que se realizou o sábado 29 de marzo: STARBAND), un grupo de música e movemento, a área de música tradicional e o coro lírico da escola.
TELÉFONO: 981 226 752
CORREOS ELECTRÓNICOS:
DIRECCIÓN: direccionem@coruna.gal
XEFA DE ESTUDOS: jefaturaem@coruna.gal
ADMINISTRACIÓN: administracionem@coruna.gal
Apertura da escola: das 08.00 ás 21.30 horas
Lectivo: das 15.30 ás 20.30 horas ( xoves das 16.30 ás 21.30 horas)
Administración: das 09.00 ás 21.00 horas
Mapa da Escola:
· Aulas: AQUÍ.
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible