O encontro coa profesional, quen realizou a súa tese doutoral sobre a Coruña e a súa arte na Baixa Idade Media, tivo lugar o pasado venres 12 de abril na Colexiata de Santa María do Campo ás 11:30h., onde se contemplaron a fachada principal e elementos do seu interior, como os capiteis ornamentados ou as marcas de canteiro, entre outros.

Dolores realizou a súa exposición de maneira que os alumnos-traballadores adquiriron moitos coñecementos de maneira experimental, é dicir, aprenderon a analizar o que estaban a observar sen a necesidade de recompilar datos, como poden ser as cronoloxías.

A xornada rematou na Igrexa de Santiago, na que o equipo coñeceu o seu interior e as xoias que nel se albergan.