O Concelleiro de Urbanismo, Vivenda, Infraestruturas e Mobilidade, Francisco Díaz Gallego, súmase ao encontro celebrado en Valladolid, sobre unha mobilidade urbana saudable e sostible.

O lema escollido para esta edición é "Entre todos sumamos cidades saudables", céntrase en como podemos facer as cidades máis amables, humanas, máis próximas á cidadanía. Impulsando a nova mobilidade, fundamental para a saúde de todos, en especial pequenos e persoas maiores, onde o peón é o protagonista e o máximo expoñente.

Abordaranse outras realidades que se producen nas contornas urbanas, como os desprazamentos nos novos vehículos que viñeron para quedar, como son os vehículos de mobilidade persoal, que aumentan progresivamente a súa presenza nas rúas, tamén os desprazamentos en ciclomotores, entre outros. Todos coinciden en que é necesario garantir a convivencia segura nos desprazamentos, para iso estudarase o impacto que tivo nas cidades a redución de velocidade, sendo A Coruña co lema "A menos velocidade, máis Cidade", pioneira das medidas que a DXT estableceu o pasado 11 de Maio de 2021, coa entrada en vigor da segunda parte do R.D 970/2020, que modifica a Normativa de Tráfico, e establécese que a velocidade xeral das rúas da cidade reducirase de 50 a 30 km / h.