A Unidade de Asesoramento de Migracións (UAMI), no marco do seu labor de atención, orientación e asesoramento á poboación inmigrante e emigrante retornada, desenvolverá durante os meses de novembro e decembro obradoiros relacionados co consumo responsable dirixidos a pequenos e xoves de entre 3 e 14 anos.

 

• Os nenos e nenas de entre 3 e 10 anos levarán a cabo tres obradoiros diferentes durante os días 17 e 24 de novembro e 1 de decembro, de 17.30 a 18.30 h.

• "De onde veñen as cousas?”: Axudándonos de mapas do mundo, realizarán "as viaxes" dos produtos dende a súa orixe ata o momento do consumo.

• "Natural e artificial": a través de diferentes experiencias como proba de zumes e froitas, condimentar diferentes alimentos, elaborar un almorzo natural… analizarán as vantaxes dos produtos naturais fronte aos artificiais.

• "Produtos do fogar": identificarán cales son os produtos perigosos para a saúde e como se etiquetan correctamente.

• Para os rapaces e rapazas de Secundaria, os obradoiros realizaranse o 25 de novembro e o 2 de decembro, de 17.30 a 18.30 h. Serán os seguintes:

• "Ocio e tempo libre": xogarán por equipos a un xogo no que as preguntas e probas están relacionadas cos distintos tipos de ocio e as súas características.

• "Erros na alimentación": analizarán varios aspectos da alimentación diaria e intentarán descubrir os erros máis habituais que se producen en horarios, tipos de alimentos, cantidades…