PERSOAS DESTINATARIAS

Para nenas e nenos nados do 1/1/2012 ao 31/12/2020.

Ofértanse prazas para menores con diversidade funcional en grao que non lles impida participar nas actividades co grupo. Contarán con monitorado de apoio que non realizará tarefas de carácter sanitario.

*Existen bolsas e reserva de prazas para menores usuarias/vos de os programas sociais municipais.

CALENDARIO

Preinscrición: 20, 21 e 22 de maio na web www.coruna.gal/campamentos2024 .

A preinscrición deberá facerse a través dun formulario.

Aquelas persoas que non dispoñan de medios informáticos para realizar a preinscrición e inscrición por vía telemática poderán chamar ao número 682 054 561 (tres liñas de atención) en horario ininterrompido de 9.00 a 20.00 horas

Un mesmo menor pode solicitar, indicando a orde de preferencia, ata tres quendas de campamento urbano, no mesmo centro cívico ou en centros cívicos diferentes.

*Non se poden solicitar os mesmos quendas en centros cívicos diferentes. E o caso de detectarse as mesmas peticións para un mesmo menor en varios centros cívicos, anularánselle todas.

**No momento no que se formalice a preinscrición, a/o interesada/ou recibirá un correo electrónico co resumo da mesma.

***A preinscrición dos/as menores que soliciten praza de diversidade funcional acompañarase dunha ficha de Coñecemento persoal para menores con diversidade funcional que permitirá ao monitorado coñecer e planificar os apoios necesarios para unha correcta atención do/a menor e será adicional ao formulario de inscrición.

****Os nenos e nenas que soliciten praza de diversidade funcional, terán unha numeración e un sorteo propio.

*****Os irmáns deberán anotarse de forma correlativa. Se non é así, non se garantirá que estean xuntos.

******No caso de que haxa duplicidade nalgunha solicitude por realizala dúas persoas distintas ou a mesma para un mesmo menor terase en conta a realizada en último lugar.

Publicación de listaxes de menores preinscritas/vos :31 de maio.

As listaxes poderán consultarse nas webs: coruna.gal/campamentos2024 e coruna.gal/servizossociais así como no 010 ou nas portas dos centros cívicos.

Reclamacións: 31 de maio, 1 e 3 de xuño.

Nº teléfono 682 054 561. En horario de 9:00 a 20:00 horas.

O día 1, sábado, o horario será de 9:00 a 14:00 horas.

Sorteo das prazas: 5 de xuño.

Publicación de listaxes de admitidas/vos :11 de xuño nas webs coruna.gal/campamentos2024 e coruna.gal/servizossociais, no 010 ou nas portas dos centros cívicos.

Inscrición e abono: 11 a 17 de xuño.

Se un/unha menor resulta admitido/a e ten irmáns ou irmás cun número correlativo de preinscrición, ben sexa anterior ou posterior, todas/vos obterán praza.

*Requirirase un número mínimo de 9 participantes por grupo para formar o mesmo.

**Unha vez formalizada a inscrición, non se terá dereito á devolución da cota do campamento excepto por causas imputables ao prestador do servizo.

***A inscrición supón a aceptación e o estrito cumprimento do horario do campamento no que se inscribiu. O feito de non cumprilo poderá supoñer a perda da praza.

Listas de espera: En caso de quedar prazas vacanntes avisarase telefonicamente a partir do 18 de xuño.

QUENDAS

1ª Quenda: do 1 a 14 de xullo

2ª Quenda: do 16 a 31 de xullo

3ª Quenda: do 1 a 14 de agosto

4ª Quenda: do 16 a 30 de agosto

5ª Quenda: do 2 a 10 de setembro

HORARIO

Xeneral: de luns a venres de 10:00 a 14:00 h

Ampliado: de luns a venres de 09:00 a 14:30 h

Os días festivos non haberá campamento.

ESPAZO DE REALIZACIÓN

En horario xeral e ampliado en todas as as quincenas nos seguintes Centros Cívicos: Castrillón, Eirís, Elviña, Labañou, Mallos, Novo Mesoiro, Monelos, Monte Alto, Novoboandanza, Palavea, Rosales e San Diego.

En horario xeral nas dúas quincenas do mes de xullo no seguintes Centro Cívicos: Feáns, San Pedro de Visma, A Silva, Artesáns, Sacra Familia, Santa Lucía e Pescadores.

Nº PRAZAS

2.250

COTA DE INSCRICIÓN

26,00 € para horario xeral.

32,00 € para horario ampliado.

*Número de conta para realizar o pago ES98 2085 8313 8203 3027 0923

O xustificante do pago subirase á web así como aquela documentación que sexa requirida. As persoas que realicen a inscrición por teléfono terán que enviar o xustificante de pago ao correo: vitae.coruna@grupovitae.com

Se se desexa obter factura do pago deberá marcarse a casa correspondente ao realizar a solicitude, a factura emitirase a nome da persoa que faga a solicitude.

CONDICIÓNS DE PARTICIPACIÓN

As persoas participantes deben comprometerse co cumprimento dunha serie de requisitos esenciais de carácter sanitario e legal a través dun documento de aceptación de condicións de participación, obrigación de información e consentimento informado. Este documento terá que ser asinado e ser entregado antes do inicio do campamento pola nai, pai ou responsable legal do/a menor.

+ INFORMACIÓN E INSCRICIÓN EN: CORUNA.GAL/CAMPAMENTOS2024 E CORUNA.GAL/SERVIZOSSOCIAIS.

Todos os documentos e formularios necesarios atópanse na web www.coruna.gal/campamentos2024