• Accións de participación, divulgación e sensibilización en materia de migracións

  Esta prestación supón incidir en dúas grandes frontes:

  • Por unha banda, na mobilización da concienciación cidadá (sociedade de acollida) en relación ás dificultades, necesidades e retos cos que se atopa na actualidade a poboación migrante do termo municipal da Coruña, tanto a nivel de residencia, reagrupación familiar, traballo, como participación social e educativa. Todo iso para conseguir a súa plena integración desde un punto de vista bidireccional.
  • Doutra banda, na divulgación de información entre a propia poboación migrante, difundindo as actuacións que desenvolve a unidade específica nesta materia (unidade de asesoramento de migracións), os tempos das diferentes tramitacións, a documentación mínima necesaria, etc. Todo iso coa finalidade de favorecer unha planificación óptima das súas respectivas situacións, evitando consecuencias negativas relacionadas coas solicitudes ante as diferentes institucións.

• Accións e actividades de voluntariado social - "Colaboramos"

  Actividades de voluntariado en centros cívicos municipais e entidades da cidade que traballan o ámbito da intervención social.

• Accións e actividades formativas e de mellora da empregabilidade para poboación migrante

  Esta prestación contribúe a mellorar a situación de empregabilidade do colectivo migrante, incidindo en aspectos como os seguintes: formación específica, formación transversal para a mellora das habilidades sociais e competencias prelaborais e laborais. Desde o Club de Emprego refórzase e motiva unha procura activa de emprego planificada e constante co obxectivo final da inserción laboral.

• Accións educativas para a promoción da igualdade e a prevención da violencia de xénero

  Promoven a adquisición de coñecementos e o desenvolvemento de actitudes e condutas conducentes á igualdade de trato e de oportunidades entre ambos os sexos, así como a concienciación e o desenvolvemento dunha actitude analítica fronte a violencia de xénero.

• Actividades de apoio escolar para menores

  Actividade de apoio ao estudo e realización de tarefas escolares para alumnos e alumnas que teñan dificultades para facer as tarefas na súa casa.

• Actividades de conciliación, corresponsabilidade e sensibilización en materia de igualdade

  Fomentan a distribución equilibrada -entre mulleres e homes- dos tempos dedicados a tarefas da vida persoal, familiar e laboral e mobilizan a concienciación cidadá en aspectos relacionados coa igualdade efectiva entre mulleres e homes e en materia de prevención de violencias de xénero.

• Actividades de fomento da integración sociocultural de persoas inmigrantes

  Ofrecer a menores e adolescentes inmigrantes competencias educativas que favorezan a súa integración social e permanencia no sistema educativo español.

• Actividades de prevención e sensibilización cidadá en materia de drogodependencia

  Conxunto de actividades informativas e preventivas sobre as adiccións e que se traballan no ámbito familiar, escolar e comunitario.

• Actividades de reforzo na aprendizaxe escolar por dificultades da linguaxe

  Ten como obxectivo axudar aos/as menores con dificultades cognitivas, de lectura e escritura a superalas a través da realización de actividades vinculadas ao ámbito escolar. Desenvólvese durante o curso escolar.

• Actividades de sensibilización cidadá en materia de discapacidade

  Accións de sensibilización cara ao colectivo de persoas con discapacidade, dirixidas a toda a cidadanía.

resultados 92