O programa municipal LGTB para o ano 2014 da Concellería de Servizos Sociais recolle o conxunto de actividades de sensibilización, dirixidas a toda a cidadanía, co fin de favorecer a visualización da comunidade de lesbianas, gais, transexuais e bisexuais, garantir e defender os seus dereitos, sempre no ámbito das competencias da administración local.

Unha das accións que o programa municipal LGTB recolle é a conmemoración do Día Internacional contra a Homofobia e a Transfobia, no mes de maio, que se celebra coa realización de diversos actos na rede de centros cívicos municipais da Concellería de Servizos Sociais.

Os actos do Día Internacional contra a Homofobia e a Transfobia 2014 son os seguintes:

Proxección de películas no Centro Cívico de Labañou:

• Horario: 18.30
• 18 de maio: Mambo italiano
• 25 de maio: Beautiful Thing
• 1 de xuño: Out of the Wedding (inglés, subtitulada en castelán)
• A entrada é libre ata cubrir a capacidade.

Contacontos sobre familias diversas "E ti cantas nais tes"?

• Dirixido a menores de entre 4 e 10 anos
• Realizaranse en trece centros cívicos da cidade. Consulta en cada centro cívico os requisitos e prazos de inscrición.

Charla sobre a Lei 2/2014, do 14 de abril, pola igualdade de trato e non discriminación de lesbianas, gais, transexuais, bisexuais e intersexuais en Galicia.

Impartida por Gonzalo Trenor López, deputado no Parlamento de Galicia.

• Lugar: Centro Cívico de Castrillón
• Día e hora: 21 de maio ás 19.30 h

Todas as actividades teñen carácter gratuíto.

Os requisitos específicos para poder participar poden consultarse no centro cívico no que se realiza a actividade, a través da páxina web de servizos sociais, ou do teléfono de información municipal 010.