Mañá, día 18 de outubro, nos centros cívicos municipais abrirase o prazo de inscrición para anotarse ás actividades infantís para menores de 4 a 12 anos, con motivo do Samaín 2024.

Nos centros máis grandes terán lugar festas temáticas de Samaín, ás que os nenos e nenas poderán asistir con disfraces.

Nos centros cívicos con menor capacidade levaranse a cabo talleres terroríficos relacionados co Samaín.

As actividades comezarán o venres 25 e finalizarán o día 30 de outubro. Programaranse nun total de 21 centros cívicos en diferentes horarios, que se poden consultar nos documentos que se achegan con esta noticia e no menú desta web en Actividades.

Todas as festas e obradoiros son gratuítos. As prazas cubriranse por orde de inscrición nos propios centros ata completar o capacidade.