O 20 de febreiro publicouse no Boletín Oficial da Provincia o extracto da convocatoria de bolsas comedor para o curso escolar 2026/2027.

A solicitude específica, os anexos e o resto de documentación esixida na convocatoria poderán presentarse nos rexistros municipais, no rexistro telemático da sede electrónica municipal, así como en calquera outro dos previstos no art. 16.4 da Lei 39/2015, de 1 de outubro, do Procedemento Administrativo Común das Administracións Públicas, do 23 de febreiro ao 13 de marzo de 2026.

Os impresos estarán dispoñibles nas oficinas de todos os rexistros municipais, en centros cívicos municipais e na sede electrónica.

Requisitos

Entre outros,

• Dispoñer DNI, NIE ou número de identificación fiscal válido (NIF) antes da finalización do prazo de corrección.
• Estar empadroado/a en o Concello da Coruña
• Matricula ou solicitude de matrícula nun centro educativo do termo municipal da Coruña .
• Realizar as xestións oportunas para ter asignada, ao comezo do curso escolar, unha das prazas na modalidade presencial.

En caso de resultar beneficiario/a, a asistencia continuada ao comedor de luns a venres durante todo o período lectivo, de setembro 2026 a xuño 2027 é obrigatoria.

A solicitude realizarase a nome da persoa beneficiaria (alumna/ou), debendo asinar a solicitude a persoa que represente legalmente á alumna ou alumno, no caso de que sexa menor de idade.

As bases da convocatoria e a documentación para presentar, pódense descargar na seguinte ligazón: Bolsas comedor . As bases da convocatoria atópanse na pestana "Sobre o procedemento" e a documentación atópase na pestana "Presentación".

Todos o listados obxecto de publicación (requirimento de corrección, listaxe provisional ...) identificarán a solicitude do alumnado atendendo ao código do seu expediente individual. Para facilitar a identificación do expediente de cada persoa solicitante, con cada publicación no taboleiro de anuncios que se realice ata a resolución da convocatoria, publicarase unha lista que identificará a totalidade das solicitudes presentadas no rexistro segundo o seu código de asento, xunto co número de expediente individual asignado e a data de entrada da solicitude no rexistro. No caso de que se produciu unha duplicidade na solicitude, a información sobre a axuda virá referenciada ao primeiro asento rexistrado da persoa solicitante.