De Gabriel Calderón, Hugo Torres

Que teñen en común un mariñeiro da armada de Vasco da Gama -a primeira en abrir a ruta marítima cara ás Indias-, un bandoleiro que decidiu impartir xustiza á marxe do rei, unha mestra de comezos do século XX que fundou unha compañía de monicreques e un pintor que cruzou o Mediterráneo nun pequeno barco na procura da liberdade? Todos eles son os meus devanceiros.

Durante os últimos cincocentos anos, as súas vidas avanzaron en paralelo aos grandes movementos da Historia: a expansión marítima, as ditaduras, as resistencias, os exilios. Este relato familiar non pretende corrixir a Historia oficial, senón mirala desde quen a viviu en primeira persoa. Na miña familia lembramos os nosos antepasados arredor da mesa; alí compartimos non só a comida, senón tamén a súa memoria.

Black Box é un espectáculo íntimo e performativo concibido polo creador de escena e compositor Hugo Torres, no que o acto de cociñar se converte no eixe narrativo e sensorial da experiencia.  

Texto e dramaturxia: Gabriel Calderón, Hugo Torres

Dirección e interpretación: Hugo Torres

Escenografía e estilismo: Marta Pazos

Iluminación: Iván Casal

Música Orixinal: Hugo Torres

Distribución: Carlos M. Carbonell - Crémilo

Venda de entradas a partir do 04 de setembro

Despacho de billetes da praza de Ourense, de luns a venres das 11.00 ás 15.00 e das 16.30 ás 19.30 h

Despacho de billetes do Teatro Rosalía: só abre os días de función dende as 16.00 h

Venda en liña