ACTIVIDADES DA CONVOCATORIA XERAL

• Preinscrición: 15, 16 e 17 de decembro
  • Realizarase preferentemente en liña, cubrindo o formulario: Formulario de preinscrición en actividades . Este formulario estará dispoñible desde as 8:00 h do luns 15 de decembro ata as 23:59 h do mércores 17 de decembro.
  • As persoas que non conten con acceso a Internet poderán realizar a preinscrición de maneira telefónica no número de teléfono 857 890 628 (*) durante as datas de preinscrición sinaladas anteriormente e en horario das 10.00 ás 14.00 h e das 16:00 ás 20:00 h.
  • Cada persoa poderá solicitar un máximo de tres actividades por centro cívico e por orde de preferencia.
  • Toda a programación, detallada por centro cívico, pode consultarse na páxina web de cada centro premendo na seguinte ligazón Actividades Convocatoria Xaneiro 2026 .
  • Cando se realice a preinscrición, á hora de cubrir o formulario, deberá escoller o método de pago: en liña (con tarxeta de crédito) ou presencial con taxa de autoliquidación (na entidade bancaria).

(*) Este teléfono non é un número de atención e información sobre as actividades programadas, neste teléfono unicamente se recollerá a información necesaria para formalizar a preinscrición.

• Publicación das listaxes provisionais de preinscricións:
  • 26 de decembro. As listaxes poderanse consultar nos centros cívicos, nesta web e chamando ao teléfono 010.

• Reclamacións ás listaxes de preinscricións:
  • 29 de decembro, a través do teléfono 010 ou chamando ao teléfono 857 890 628 en horario das 11.00 ás 13.30 h e das 16:00 ás 18:00 h.
  • As reclamacións só poderán facer referencia a persoas que realizaron a preinscrición en prazo que non se atopan nas listaxes publicadas ou que detecten erros nos datos publicados.

• Sorteo:
  • 30 de decembro, en cada centro cívico ás 10.00 h.

• Publicación das listaxes de admisións e de espera
  • 13 de xaneiro. Poderanse consultar nos centros cívicos, nesta web ou chamando ao teléfono 010. Nas actividades socioculturais, anularanse aquelas actividades nas que non haxa un mínimo de solicitudes formalizadas.

• Prazo de inscrición e pago de taxas para as persoas admitidas

  • Do 14 ao 18 de xaneiro.
  • A cota das actividades regúlase na Ordenanza número 43, reguladora do prezo público por prestación de servizos e utilización de instalacións culturais, educativas, de lecer e análogas de titularidade municipal, fóra de apoio escolar, cultura xeral e alfabetización, que terán carácter gratuíto.
  • Realizarase preferentemente en liña a través desta ligazón Pago en liña das actividades do 14 ao 18 de xaneiro 2026. De non facelo nestas datas perderase o dereito á praza.
  • Nas listas de persoas admitidas e de espera figurará un código, o cal haberá que introducir cando sexa requirido ao longo do proceso de pago en liña. Este código indica a persoa que está a se inscribir na actividade, o centro no que se inscribe e a actividade solicitada, polo que cada actividade terase que aboar por separado.
  • Se o pago se realiza presencialmente, debe imprimir a carta de pago e presentala na entidade bancaria ou realizar o pago a través de caixeiro.
  • O Concello conta con dúas entidades bancarias asociadas para poder aboar as actividades: Abanca e Banco Santander.
  • Unha vez pagado na entidade bancaria, NON hai que entregar na conserxería O XUSTIFICANTE, xa que se envorcarán todos os datos de pago telemático (en liña e entidade bancaria), excepto as persoas que paguen na oficina municipal da Franxa, que só neste caso se debe achegar o xustificante de pago no centro cívico correspondente.

• Xestión lista de espera
  • As listas de espera das actividades e dos clubs xestionaranse desde o servizo de conserxería do centro cívico correspondente a partir do 22 de xaneiro.
  • As persoas admitidas, a partir da listas de espera, deberán facer a inscrición e o aboamento da actividade, seguindo o procedemento de pago establecido anteriormente.

• Data de inicio e fin de actividades
  • A partir do 26 de xaneiro ata o 13 de xuño.

• Información importante
  • Cada actividade ten unha clasificación diferente por idade: infancia, mocidade, interxeracional e maiores. Sempre que non se especifique outro tramo de idades no título da actividade, a idade que correspondería (cumprida no momento de realizar a preinscrición) á clasificación será: Infancia de 4 a 12 anos, Mocidade de 13 a 17 anos, Interxeracional a partir de 18 anos e Maiores a partir de 65 anos.
  • Aquelas actividades que teñan a mesma denominación, aínda que teñan distintos niveis ou horario (iniciación ou perfeccionamento, grupo 1 ou grupo 2, mañá ou tarde etc.,) considéranse unha mesma actividade, e só se poderá formalizar a matrícula nunha delas. En caso de facelo nas dúas, ambas quedarán anuladas.
  • As actividades que teñan nivel Iniciación están destinadas unicamente para aquelas persoas que non contan con coñecementos previos no que á actividade se refire, é dicir, que se inician na actividade.
  • Terán preferencia as persoas empadroadas no Concello da Coruña.

CLUBS, actividades de carácter gratuíto dirixidas por persoas voluntarias

• Preinscrición
  • 15, 16 e 17 de decembro.
  • As preinscricións realizaranse de maneira presencial nas conserxerías dos centros nos que se imparte o club, en horario das 10.00 ás 14.00 h e das 16.00 ás 20.00 h.

• Publicación das listaxes provisionais de preinscricións nas actividades socioculturais nos centros cívicos
  • 26 de decembro

• Reclamacións ás listaxes de preinscricións
  • 29 de decembro, a través do teléfono 010 ou chamando ao teléfono 857 890 628 en horario das 11.00 ás 13.30 h e das 16:00 ás 18:00 h.
  • As reclamacións só poderán facer referencia a persoas que realizaron a preinscrición en prazo que non se atopan nas listaxes publicadas ou que detecten erros nos datos publicados.

• Sorteo
  • 30 de decembro, en cada centro cívico ás 10.00 h.

• Publicación das listaxes de admisións e de espera
  • 13 de xaneiro. Poderanse consultar nos centros cívicos, nesta web ou chamando ao teléfono 010.

• Prazo de inscrición
  • Do 14 ao 18 de xaneiro.
  • As persoas admitidas nos clubs, CONFIRMARÁN A PRAZA (de maneira presencial ou por teléfono) no centro cívico onde resultaron admitidas.