No taboleiro de anuncios e edictos do Concello da Coruña pódense consultar as listas de concesións e denegacións de bolsas comedor por causas sobrevidas, solicitadas do 14 de xaneiro ao 15 de febreiro de 2023, así como o seu anuncio correspondente.

As solicitudes están publicadas por orde do seu número de expediente. O código do asento é o identificador da solicitude, constituído por unha serie de letras e números. Se a solicitude se presentou de maneira presencial no Rexistro do Ágora, o seu código de asento comeza por AGOE, no de Mesoiro por MESE, no Fórum Metropolitano por FORE, na Franxa por FRAE e en María Pita por RMPE.

Existe un prazo de presentación de recursos desde o 17 de marzo ao 17 de abril de 2023 (ambos incluídos).

As persoas beneficiarias deben realizar os trámites oportunos co provedor do servizo para darse de alta no comedor escolar.