Tras concluírse o proceso de inscrición previa, realizado o sorteo e comprobada a dispoñibilidade de prazas,

a Concellería de Servizos Sociais informa a todas as familias interesadas de que todas/os as/os nenas/os que formalizaron a súa inscrición previa nos Campamentos urbanos de Nadal obtiveron praza, polo que poderán formalizar a INSCRICIÓN a partir da próxima semana nos días, horarios e lugares que se indican a continuación:

Días da inscrición: 13 e 14 de decembro do 2013.

Horario: de 10.00 a 13.00 horas e de 17.00 a 20.00 horas.

Lugares para a inscrición: Centros cívicos da Rede de Centros Cívicos Municipais. 

As persoas participantes deberán aboar no momento da inscrición 12,00 € de cota por menor participante admitido.

Os campamentos urbanos de Nadal realizaranse os días 23, 26, 27 e 30 de decembro do 2013, e os días 2 e 3 de xaneiro do 2014, en horario de 10.00 a 13.00 horas, nos seguintes centros cívicos municipais:

• Centro Cívico Artesáns
• Centro Cívico Eirís
• Centro Cívico Elviña
• Centro Cívico Labañou
• Centro Cívico Rosales
• Centro Cívico Mesoiro
• Centro Cívico Monelos
• Centro Cívico Monte Alto
• Centro Cívico Os Mallos
• Centro Cívico Palavea
• Centro Cívico San Diego

Para máis información poden consultar na rede de centros cívicos municipais, e no teléfono de información municipal 010.