O dicionario da Real Academia de la Lengua Española (RAE), editado no 2011 e actualizado cinco veces dende entón, define «femenino» como «débil» e «endeble», e «masculino» como «varonil» e «enérgico». Filólogas, parlamentarias e expertas en igualdade esíxenlle á institución que o rectifique na edición do 2014 porque opinan que valida un estereotipo e consolida unha visión do mundo que non é real.

«Ten moitísima transcendencia: que o dicionario da Real Academia, que é a máxima autoridade na lingua española, defina o 'femenino' como débil e o 'masculino' como o contrario é impresentable. É que non hai mulleres fortes, enérxicas ou con potencial nesta vida?», formula a directora do Centro de Estudios de Género da UNED, Teresa San Segundo.