Publicouse no Boletín Oficial da Provincia a convocatoria de subvencións para entidades de iniciativa social sen ánimo de lucro para actividades ou proxectos de interese social para o ano 2025.

A solicitude específica, os anexos e o resto de documentación esixida na convocatoria débense presentar a través da sede electrónica municipal, en aplicación do artigo 14.2 da Lei 39/2015, de procedemento administrativo común das administracións públicas.

O trámite completo, cos anexos que hai que presentar, atópanse nesta ligazón Convocatoria de subvencións para entidades de iniciativa social. As bases da convocatoria están na pestana "Sobre o procedemento" e os documentos na pestana "Presentación".

O prazo de presentación das solicitudes é desde o 4 de xuño ao 2 de xullo de 2025.