Concello da Coruña

Concello da Coruña

Estancia temporal para a transición á vida autónoma de mulleres vítimas de violencia de xénero ou en situación de especial vulnerabilidade por razón de xénero (pisos de inclusión e transición - PITVA)

Os pisos de inclusión e transición á vida autónoma (en diante PITVA) son un recurso especializado de carácter residencial temporal.

Neles posibilítanse oportunidades de axuste persoal e incorporación sociolaboral a través do deseño dun proxecto personalizado de intervención social integral adaptado a cada muller e, no seu caso, á unidade familiar. 

A quen vai dirixido?:

Mulleres maiores de idade ou emancipadas, así como as persoas dependentes delas legalmente, vítimas de violencias de xénero ou en situación de especial vulnerabilidade por razón de xénero, que requiran un recurso residencial alternativo de carácter temporal.

Terán preferencia as mulleres vítimas de violencia de xénero valoradas e derivadas por outros recursos de aloxamento alternativo, servizos específicos no ámbito da igualdade ou servizos sociais do Concello no que residan as mulleres.

Requisitos:

Mulleres maiores de idade ou emancipadas así como as persoas que delas dependan, vítimas de violencia de xénero ou en situación de especial vulnerabilidade por razón de xénero e que contemplen os seguintes requisitos:

  • Preferente que conten cuns ingresos económicos mínimos para facer fronte a determinados gastos.
  • Estar en condicións de levar adiante un proxecto personalizado de transición á vida autónoma e comprometerse ao seu cumprimento. Da devandita actuación beneficiaranse, se é o caso, e polo tanto deberán participar no proxecto de intervención que se deseñe, as e os menores ao seu cargo ou aqueles membros da unidade familiar dependentes legalmente das mulleres usuarias.
  • Non ter problemas asociados á drogadicción e/ou alcoholismo, non accedendo tampouco a estes recursos persoas dependentes das mulleres que consuman activamente substancias ou alcol.
  • Non presentar trastornos mentais graves orgánicos e non orgánicos, trastornos de personalidade ou calquera outro trastorno mental que supoña risco de provocar un dano a si mesmas ou a outras persoas coas que convivan ou causar problemas de convivencia.
  • Non exercer a prostitución.

Prazo de presentación:

En calquera época do ano.

Remuneración / Custo:

Servizos:

  • Acollida, valoración e asesoramento.
  • Aloxamento e manutención.
  • Deseño e seguimento dun proxecto personalizado de intervención integral, tanto para as mulleres como para os seus fillos e fillas se é o caso, que responda ás súas necesidades e que formará parte dun proxecto personalizado de transición á vida autónoma.
  • Atención integral nos ámbitos social, laboral, educativo, xurídico e psicolóxico.
  • Apoio para a preservación da autonomía persoal.
  • Apoio en distintas áreas de desenvolvemento: persoal (aspectos afectivo-emocionais, físicos e de saúde, adquisición e/ou reforzo de comportamentos e habilidades sociais, pro-sociais e instrumentais) e de capacitación e integración (contexto familiar, formativo, laboral, residencial, comunitario, de lecer e tempo libre).

Dotación:

2 pisos de inclusión e transición á vida autónoma debidamente acondicionados e autorizados pola Xunta de Galicia a través da Consellería competente nesta materia.

Duración:

Recurso residencial temporal.

O tempo de permanencia inicial será de seis meses, prorrogables outros seis meses previo informe técnico que o xustifique, sempre que se estea cumprindo o programa de transición á vida autónoma.

Máis información:

A forma de acceso a esta prestación é por derivación desde os centros ou servizos que se relacionan a continuación e unha vez realizada a valoración técnica polo equipo da Rede municipal de acollida:

  • Centros de información das mulleres (CIM's) existentes na Comunidade Autónoma de Galicia.
  • Servizos Sociais das distintas entidades municipais, con preferencia aos Concellos da provincia da Coruña, en virtude do convenio de colaboración existente entre o Concello da Coruña e a Deputación Provincial da Coruña.
  • Outros centros de acollida.

Programa ao que pertence

Prestacións relacionadas

Normativas relacionadas

Que che parece esta sección?

-101-101-101

Síguenos en

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión