Este concurso consta dunha única modalidade dividida en tres categorías. Concederanse tres premios por categoría, que se determinarán pola media das idades dos componentes do grupo e ningún deles superará a media da categoría en máis de dous anos.

Ademais haberá un único premio ao mellor bailador e á mellor bailadora, que se decidirán entre todos os participantes das tres categorías.

No concurso poden participar grupos de asociacións folclóricas, centros parroquiais, asociacións culturais e recreativas, asociacións xuvenís, etc. Todos os grupos participantes deberán cumprir as bases do concurso, onde se indica que é obrigatorio o uso do traxe tradicional.

Cada grupo terá un tempo límite de 5 minutos, quedando descualificado o grupo que exceda o devandito tempo. O xurado no momento da cualificación terá en conta: a autenticidade e dificultade técnica do baile e a calidade na execución.

O prazo de inscrición xa está aberto e as vías para facelo son:

• A través da páxina web: www.xacarandaina.gal
• Por correo ordinario, enviando debidamente cumprimentada a folla de inscrición, á dirección postal do local social: A.C. Xacarandaina, r/ Historiador Vedía nº 3, soto 1º, 15004 A Coruña.
• Por correo electrónico, enviando debidamente cumprimentada a folla de inscrición, á dirección de correo electrónico: info@xacarandaina.com.

O prazo de inscrición remata o sábado 6 de xuño.

Máis información en http://www.xacarandaina.com/ e 981 277 315