Presentamos unha nova actividade dentro do programa Ando na Coruña.

Da man do escritor Rober Cagiao, percorreremos a cidade literaria e a cidade real que lle serviron de inspiración para as súas obras, obras que serán o fío condutor da actividade.

As dúas primeiras sesións, os mércores 6 e 13 de maio, terán lugar nas instalacións da biblioteca. Nelas, Rober Cagiao presentará os espazos coruñeses que  protagonizan os distintos títulos da súa produción literaria ambientada na Coruña.

Na primeira sesión, entregarase un dossier con bibliografía e unha escolma de textos seleccionados polo propio autor. 

A última sesión consistirá nun roteiro polos espazos antes mencionados.