O portavoz socialista, José Manuel García, visitou a zona para coñecer as demandas da veciñanza e comprometeuse a levar a pleno a súa situación. As poucas casas habitadas carecen de servizos públicos e na contorna hai vivendas abandonadas que xeran focos insalubres
O Grupo Municipal Socialista visitou a Agra dos Mallos para comprobar que nada se avanzou no desenvolvemento dunha zona pendente de urbanizar, con vivendas entre o centro cívico e o polideportivo da Sardiñeira, unhas baleiras e outras ocupadas, que carecen de beirarrúas para transitar, sen iluminación nin servizos básicos.
O portavoz socialista chamou a atención sobre este espazo a medio camiño da nada, que quedou no limbo da urbanización desta zona da cidade e comprometeuse a levar o asunto ao próximo pleno. José Manuel García visitou o barrio acompañado das edís Silvia Longueira e Pilar Neira en resposta a unha chamada da asociación veciñal dos Mallos, co fin de facerse eco da situación que sofre a diario a veciñanza que vive aquí e as persoas que transitan por este lugar.
No seu percorrido pola zona, os socialistas comprobaron o estado de abandono da Agra dos Mallos, por onde resulta difícil transitar. Ademais, as vivendas non contan con servizos públicos, a pesar de que se atopan xunto ao centro cívico dos Mallos.
Igualmente, na mesma zona quedan vivendas abandonadas e construcións en mal estado que supoñen un risco para as persoas viandantes e xeran focos de insalubridade.
Trátase dun polígono urbanístico pendente de desenvolver, que pode estar afectado tamén pola construción da Estación Intermodal e a transformación urbanística de todo a contorna. O portavoz socialista comprometeuse a interesarse pola situación administrativa da zona para coñecer que está previsto facer e cando.
Ao mesmo tempo, o Grupo Municipal Socialista demandará melloras inmediatas na zona e que desde o Concello se acometan obras e traballos de mantemento no barrio. O obxectivo é que a veciñanza de Agra dos Mallos conte cos servizos mínimos mentres non se leva a cabo o desenvolvemento urbanístico previsto.
Datos de contacto
Enderezo: praza de María Pita, 1. 15001. A Coruña
Teléfono: 981 184 260
Correo electrónico: grupo.municipal.socialista@coruna.es
25 de maio de 2018
O portavoz, José Manuel García, interesouse polos proxectos da Asociación de Bulimia e Anorexia da Coruña, durante a súa visita á sede da entidade
22 de maio de 2018
21 de maio de 2018
22 de maio de 2018
resultados 73
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible