A posibilidade de acceder a unha subvención realizarase mediante a convocatoria pública, nas que se publican as bases onde se fixan as condicións, os requisitos e os prazos, e que se outorgan en réxime competitivo.

A entidade beneficiaria obrígase a realizar a actividade obxecto da subvención e a xustificar a realización. Á súa vez, a administración ten a obriga de fiscalizar e vixiar a actividade subvencionada, pola contra, ten a potestade de revogar a devandita subvención e esixir a súa devolución.

A xestión das subvencións públicas debe seguir os seguintes principios:

• Publicidade, transparencia, concorrencia, obxectividade, igualdade e non discriminación
• Eficacia no cumprimento dos obxectivos fixados
• Eficiencia na asignación e utilización dos recursos públicos

O Concello ten unha ampla oferta de convocatorias de subvencións, que van desde as accións de tipo social, a rehabilitación de vivendas, fomento de actividades de carácter medio ambiental etc.

Podes consultar no seguinte despregable datos que poden ser do teu interese:

Subvencións nominativas municipais

En xeral, pódese dicir que as subvencións nominativas (ou nominais) son aquelas cuxo obxecto, dotación orzamentaria e persoas beneficiarias aparecen recollidas expresamente nos orzamentos municipais anuais nun anexo específico, polo que se poderán conceder de forma directa.

• Subvencións nominativas 2016
• Subvencións nominativas 2015
• Subvencións nominativas 2014
• Subvencións nominativas 2013
• Subvencións nominativas 2012
• Subvencións nominativas 2011
• Subvencións nominativas 2010

Convocatorias de subvencións municipais 2016

• Axudas complementarias das subvencións ás obras de rehabilitación de inmobles nos ARIS de San Vicente de Elviña (1ª fase), Santa Cristina Palavea (4ª fase), Os Mariñeiros (4ª fase) (BOP do 9 de novembro de 2016)
• Subvencións destinadas á execución de obras de rehabilitación de elementos comúns en vivendas nos núcleos tradicionais definidos como tal no plan (BOP do 30 de setembro de 2016)
• Subvencións destinadas a entidades privadas sen ánimo de lucro e de carácter empresarial con sede no termo municipal da Coruña que desenvolvan proxectos de promoción económica (BOP do 30 de setembro de 2016)
• Subvencións para entidades sen ánimo de lucro destinadas á realización de actividades de promoción da cultura ambiental e a autoxestión cidadá en materia de medio ambiente (BOP do 26 de agosto de 2016)
• Subvencións a entidades sociais sen ánimo de lucro destinadas á realización de actividades de natureza corrente de cooperación ou que persigan un interese social ou humanitario no exterior (BOP do 22 de agosto de 2016)
• Subvencións a asociacións e colectivos no ámbito da Igualdade e Diversidade (BOP do 29 de xullo de 2016)
• Subvencións para automóbiles destinados ao servizo auto-taxi que teñan vehículos híbridos, híbridos enchufables, GLP, gas natural, eléctricos ou outro combustible alternativo, que sexan eurotaxis e/ou que instalen GPS/biombos (BOP do 19 de abril de 2016)
• Subvencións para a rehabilitación de inmobles na Área de Rehabilitación Integral (ARI) do Núcleo Rural de ELVIÑA (BOP do 23 de febreiro de 2016)

+ INFORMACIÓN

Ordenanzas municipais reguladoras de subvencións específicas

• Ordenanza de concesión de subvencións para mellora da imaxe urbana no ámbito do plan especial de protección e reforma interior da Cidade Vella e Pescadería (PEPRI) (BOP do 22 de abril de 2014)
• Ordenanza especifica de subvencións para vivendas e locais situados en Zonas Acusticamente Saturadas (ZAS) (BOP do 30 de outubro de 2009)
• Ordenanza de subvencións do servizo de mobilidade urbana (BOP do 26 de febreiro de 2008)
• Ordenanza xeral de subvencións da área de benestar (BOP do 19 de febreiro de 2005)
• Ordenanza de conservación e rehabilitación urbana (castelán) (modificación BOP 26 de xaneiro de 2017) Descargar
• Ordenanza de conservación e rehabilitación urbana (galego) (modificación BOP 26 de xaneiro de 2017) Descargar

Normativa estatal e autonómica

• Lei 38/2003, do 17 de novembro, xeral de subvencións (BOE do 18 de novembro de 2003)
• Real decreto 887/2006, do 21 de xullo, polo que se aproba o regulamento da Lei 38/2003, do 17 de novembro, xeral de subvencións (BOE do 25 de xullo de 2006)
• Lei 9/2007, do 13 de xuño, de subvencións de Galicia (DOG do 25 de xuño de 2007)