Concello da Coruña

Concello da Coruña

Cando:

21 de maio de 2023

Máis de 1.100 corredores participaron na Carreira Popular dos Rosales

Álvaro Presedo e Nati García repiten victoria neste circuíto de carreiras populares Coruña Corre

Hoxe celebrouse a X Carreira Popular dos Rosales, terceira cita da décima edición do circuíto de carreiras populares Coruña Corre. O triunfo na categoría absoluta volveu a ser, dúas semanas despois das súas vitorias en San Pedro de Visma, para Álvaro Presedo e Nati García. 

A proba absoluta comezou ás 10.00 horas na rúa Manuel Azaña, xunto á praza Elíptica. O percorrido pasou pola propia praza e Manuel Azaña ata Labañou, onde as persoas participantes foron cara ao paseo marítimo en dirección ao Portiño. A segunda parte do circuíto transcorreu en dirección á estrada Fontes do Monte de San Pedro e volverá a Manuel Azaña dende a rúa Castelao.

Entre todas as categorías a participación superou as 1.100 persoas. O podio masculino estivo formado por Álvaro Presedo, Abdelaziz Fatihi e Rubén Liñares e o mellor tempo foi 20 minutos e 59 segundos. Por outra banda, as tres primeiras clasificadas femininas foron Nati García, Mélanie Mariño e Inés Papín, sendo a mellor marca de 24 minutos e 55 segundos.

Ao longo da mañá disputáronse as diferentes probas de categorías inferiores na contorna da praza Elíptica do barrio dos Rosales. Con esta proba son xa tres as disputadas no circuíto Coruña Corre tras a da Torre de Hércules e a de San Pedro de Visma.

Próximas datas do circuíto Coruña Corre

  • VII Carreira Popular Matogrande: 25 de xuño

  • XI Carreira Popular Volta a Oza: 10 de setembro

  • VIII Carreira Popular Ventorrillo: 22 de outubro

  • XI Carreira Popular Novo Mesoiro: 26 de novembro

Botóns sociais

Que che parece esta sección?

-101-101-101

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión