Se es das persoas que aínda non se apuntaron ao Circuíto Coruña Corre ou á terceira proba do calendario deste evento, a X Carreira Popular dos Rosales, tes de prazo ata o vindeiro domingo, 14 de maio, ás 23.59 horas, para facelo.

A partir dese momento, pecharanse as inscricións tanto para a carreira dos Rosales como para o Circuíto, ao que lle restan outras catro etapas.

Se xa te apuntaches a Coruña Corre, lembra que se queres participar na proba do próximo 21 de maio nos Rosales, xa non é necesario confirmar o teu concurso, tal e como recolle o regulamento.

Para figurar nas clasificacións finais de Coruña Corre é necesario participar en 5 probas das sete do calendario.

O custo da inscrición para o circuíto é a seguinte:

INSCRICIÓN AO CIRCUÍTO
CONCEPTO	MAIORES DE 18 ANOS EN XERAL	PERSOAS DESEMPREGADAS, +65 ANOS E CARNÉ XOVE
COTA	12,00 €	7,00 €
CHIP	12,00 € *	12,00€ *
TOTAL	24,00 €	19,00 €
INSCRICIÓN (COTA E CHIP) PARA MENORES GRATUÍTA
*Chip circuíto: Os participantes que compren o chip para a presente edición poderán devolvelo ao finalizar a última carreira e recuperarán a fianza de 5 €

En cambio, se decides inscribirte por carreira e non ao circuíto, a cota é a seguinte:

INSCRICIÓN A CADA CARREIRA (DE FORMA INDEPENDENTE))
CONCEPTO	MAIORES DE 18 ANOS EN XERAL	PERSOAS DESEMPREGADAS, +65 ANOS E CARNÉ XOVE
COTA	3,00 €	2,00 €
CHIP REUTILIZABLE	2,00 €	1,00 €
TOTAL	5,00 € / carreira	3,00 € / carreira
INSCRICIÓN (COTA E CHIP) PARA MENORES GRATUÍTA

Despois desta Carreira Popular dos Rosales , Coruña Corre continuará a carreira de Matogrande (25 de xuño), a Volta a Oza (o 10 de setembro), a Popular do Ventorrillo (22 de outubro) e a de Novo Mesoiro (26 de novembro).