Esta convocatoria pon a disposición da veciñanza parcelas individuais e mesas de cultivo para o seu uso como hortos urbanos, que se distribúen da seguinte maneira:

• Agra do Orzán: 117 parcelas individuais, 9 mesas de cultivo, unha parcela de uso común e unha mesa de cultivo común.
• Novo Mesoiro: 36 parcelas individuais, 3 mesas de cultivo, unha parcela de uso común e unha mesa de cultivo común.
• Parque Eirís: 81 parcelas individuais, 9 mesas de cultivo, unha parcela de uso común e unha mesa de cultivo común.
• Parque Adolfo Suárez: 84 parcelas individuais, 3 mesas de cultivo, unha parcela de uso común e unha mesa de cultivo común.

As persoas interesadas que reúnan os requisitos da convocatoria poderán presentar a solicitude e documentación complementaria no rexistro xeral do Concello da Coruña ou a través de calquera dos demais formularios previstos no artigo 16.4 da Lei 39/2015, do 1 de outubro, de procedemento administrativo das administracións públicas. As solicitudes pódense presentar a través da sede electrónica do Concello da Coruña Hortos urbanos.

A solicitude dirixirase ao Servizo de Medio Ambiente do Concello da Coruña, que instruirá o procedemento.

O prazo para presentar solicitudes será de 15 días naturais que se contarán a partir do día seguinte á publicación da presente convocatoria na páxina web  Coruña Sostible e a través dos medios que se estimen oportunos para facilitar a súa difusión.

As solicitudes que cumpran os requisitos establecidos e que se reciban fóra do prazo de presentación establecido incluiranse na orde de presentación, seguindo as das persoas solicitantes non adxudicadas na listaxe de agarda da horta correspondente, tendo en conta que xa non se distinguirá entre grupos (o grupo marcado será irrelevante).