A través do procedemento sancionador de tráfico, o Concello sanciona as infraccións de circulación cometidas dentro das vías urbanas do municipio.

Iníciase de oficio mediante unha denuncia formulada por axentes da Policía Local ou vixilantes controladores do servizo público de ordenación e regulación do aparcamento (ORA).

A persoa interesada recibe a notificación e pode pagar con redución do 50%, co que se finalizaría o expediente, ou presentar alegacións e probas en prazo.

Tras a instrución do procedemento, dítase unha resolución que confirma ou arquiva a multa.

Se a sanción queda firme, execútase mediante o pago voluntario ou, na súa falta, vía de prema, con posibilidade de interpoñer un recurso en vía administrativa ou contencioso-administrativa. No caso de que implique detracción de puntos do permiso de conducir, a sanción comunícaselle á Dirección Xeral de Tráfico.