A Coruña será unha das sedes da fase de ascenso a División de Honra Prata de balonmán. O Concello, a través do Consorcio de Turismo,  colaborou co club OAR para poder celebrar estes encontros na cidade entre o 25 e o 27 de maio. O Concello amosa deste xeito o seu apoio ao deporte coruñés e a súa interlocución continua cos clubs.

Nesta fase final un dos equipos participantes será o Attica 21 Hotels OAR Coruña, que se enfrontará ao Cajasur Córdoba, Balonmano Soria e KH-7 Balonmano Granollers. A Coruña será unha das tres sedes desta fase para ascender á segunda categoría do balonmán masculino nacional xunto a Avilés e Alacante. 

O grupo II desta fase disputarase no polideportivo municipal do Barrio das Flores, que por capacidade é o recinto municipal máis axeitado para acoller esta competición. Disputaránse seis partidos, enfrontándose todos os equipos entre eles e ascenderá o que mellores resultados obteña. 

Calendario

Xoves 25 de maio

Attica 21 Hotels OAR Coruña - Club Balonmano Soria

Cajasur Córdoba - KH-7 Balonmano Granollers

Venres 26 de maio

Attica 21 Hotels OAR Coruña - Cajasur Córdoba

KH-7 Balonmano Granollers - Club Balonmano Soria

Sábado 27

Attica 21 Hotels OAR Coruña - KH-7 Balonmano Granollers

Club Balonmano Soria - Cajasur Córdoba