A aventura está a piques de comezar...

Nun recuncho agochado do tempo, ergueuse un circo moi especial. Non ten carpa de cores nin focos brillantes, pero no aire respírase maxia, misterio e ilusión. Contan que quen entra nel, non sae nunca sendo a mesma persoa.

Viaxaremos a un mundo onde cada risa e cada mirada pode abrir portas invisibles. Cada día é unha nova escena.

Pouco a pouco, iremos descubrindo que a verdadeira maxia non está nos trucos e no escenario, senón na capacidade de soñar que medra dentro de cada corpo.

Cada aventura será a chispa que nos lembrará que o marabilloso está moito máis preto do que parece.

LUGARES E DATAS

No Fórum Metropolitano ou no Centro Ágora.

Os días 22, 23, 26, 29, 30 de decembro do 2025 e 2, 5 e 7 de xaneiro do 2026.

INSCRICION Abrirase o día 1 de decembro, na nosa páxina web www.coruna.gal/cultura o formulario para a inscrición.

A inscrición é directa ata que se cubran as prazas. Todo o proceso será telemático.

- Unha vez enviado o formulario, no momento recibirá un primeiro correo electrónico co xustificante de recibimento da información indicada no dito formulario (manda automaticamente Google).

- Nun prazo máximo de 24 horas, recibirá un segundo correo de Serviplustotal S.L. forumagora@serviplus.org coa confirmación da praza (se fai a inscrición na fin de semana, será ao longo do seguinte luns).

Revise a carpeta de lixo ("spam") eses días, por se acaso.

- Cando nese segundo correo reciba esa confirmación da praza, ten que realizar o ingreso do importe correspondente á modalidade horaria elixida, no seguinte número de conta de ABANCA ES76 2080 0036 6230 4002 1977.

- Unha vez aboado, terá que enviarnos dende a súa conta de correo electrónico ao mesmo correo forumagora@serviplus.org o seguinte:

· xustificante da transferencia ou unha captura de pantalla da dita transferencia. Por favor, non mandalo dende a aplicación do banco, xa que dende algunhas non nos facilitan ningún dato.

· nome da crianza

· centro (Fórum ou Ágora) e

· opción da ampliación horaria (A, B, C, D ou E)

Este correo permitiranos cotexar que o pago é correcto (xa que por cuestións relacionadas coa protección de datos, non temos acceso á información bancaria das persoas que fan o ingreso, e os xustificantes de recibimento das aplicacións dos diferentes bancos non sempre facilitan os datos que requirimos, xa que nalgúns só se envía o nome da persoa titular da conta, sen indicar o concepto da transferencia). O prazo para o envío do correo co xustificante bancario será de 3 días hábiles. Unha vez que transcorra o dito prazo, poremos as prazas de novo a disposición ate que se esgoten.

No caso de que non poidan asistir ao campamento non se farán devolucións, salvo que se cubra a praza.

+ INFORMACIÓN

Dous días antes do comezo do campamento enviarase por correo electrónico, ao enderezo dende o que se realiza a inscrición, toda a información relacionada co funcionamento do dito campamento.

Se precisan máis información poden solicitala:

· a través do servizo telefónico gratuíto 010 ou no correo electrónico: forumagora@serviplus.org