O Concello da Coruña realiza, entre os días 26 e 30 de xaneiro de 2026, o programa divulgativo para escolares Converxencias, arte e ciencia 2026: Juan Gris - Exposición , desenvolvido pola Institución Galega de Ciencia (IGACIENCIA) e o Servizo Municipal de Educación.

A actividade ten como obxectivo principal mostrar, a través da práctica, as sinerxias e os vínculos entre a arte e a ciencia, propiciar a comprensión do método científico, a resolución de problemas, o espírito crítico e o interese social pola ciencia e a innovación como base do progreso.

Nesta edición, o programa inclúe unha exposición sobre a figura do pintor Juan Gris, que se exhibirá no Centro Sociocultural Ágora. Participarán un total de 385 estudantes e 24 profesores de ESO e Bacharelato de centros da cidade e doutros centros de Galicia.

A exposición permanecerá aberta ao público en xeral desde o luns 26 ata o venres 30, en horario de 15:00 a 21:00 horas.