Varios programas do Plan Coruña Educa amplían o seu prazo de inscrición ata o día 15 de decembro
Alumnos e alumnas do CPR Escravas e o CEIP San Francisco Javier nunha das representacións da Mostra de Teatro Escolar de 2025
Cando:
14 de novembro de 2025
Ademais, do 1 ao 15 de decembro abrirase un novo prazo de inscrición para os centros que queiran participar nas III Xornadas de Orientación Artística e Profesional (XOAP 2026).
O Servizo Municipal de Educación do Concello da Coruña vén de confirmar a ampliación dos prazos de inscrición de varios programas municipais educativos incluídos nunha nova edición do Plan Coruña Educa para o curso 2025/2026.
Os programas, para os que se amplía o seu prazo de inscrición ata o vindeiro luns 15 de decembro, son os seguintes:
- Cinema na Escola 2025-26
- Gargallada. Novas xeracións na comedia 2025-26
- XXXV Mostra de Teatro Escolar 2025-26
Inscrición dos centros nas III Xornadas de Orientación Artística e Profesional (XOAP 2026)
Por outra banda, do 1 ao 15 de decembro, ambos os días incluídos, abrirase un novo prazo de inscrición para que os centros interesados poidan participar nas III Xornadas de Orientación Artística e Profesional (XOAP 2026) , que se celebrarán entre o 23 de febreiro e o 2 de marzo de 2026.
Os centros educativos interesados en participar nalgún dos programas poderán formalizar a súa participación a través da web educativa do Concello. Na maior parte dos programas a inscrición realizarase a través da ficha específica en liña do servizo de Educación. Nalgúns casos será necesario cubrir unha ficha que facilita a entidade encargada de desenvolver o programa (a ligazón estará especificado no cadro anexo e na información de cada programa).
Programa ao que pertence
- Cinema na Escola 2025-26
"Cinema na Escola" busca acercar esta disciplina artística audiovisual a los más jóvenes, a los centros y a sus docentes, para que comprueben de primera mano y a través del mundo del cortometraje como las nuevas tecnologías nos facilitan el acceso a esta potente herramienta, didáctica y experiencial.
Un curso más creamos una escena "de cine" para nuestro entorno educativo para crear un cortometraje en lengua gallega: luces, cámara y acción...
Máis información - Gargallada. Novas xeracións na comedia 2025-26
Este programa busca dinamizar o uso da lingua galega a través do humor, o formato monólogo e a expresión oral, proporcionándolle ao alumnado unha experiencia creativa e enriquecedora, en colaboración con humoristas profesionais. Realizar talleres formativos de introdución á interpretación de monólogos cómicos, previos á gala, para potenciar a comprensión e expresión oral en lingua galega, así como a creatividade e a espontaneidade na representación.
Máis información - XXXV Mostra de Teatro Escolar 2025-26
Programa educativo concibido como un intercambio de representacións entre os grupos de teatro escolar do Concello da Coruña. Cada grupo crea ou selecciona e ensaia unha obra de teatro, para representala noutro centro educativo e recibe o grupo de teatro do dito centro.
Máis información - III Xornadas de Orientación Artística e Profesional (XOAP 2026)
As III Xornadas de Orientación Artística e Profesional (XOAP 2026) están organizadas polo Servizo Municipal de Educación do Concello da Coruña e teñen como obxectivo informar sobre os estudos Superiores de Deseño e os ciclos de Formación Profesional e ensinos Artísticos (ordinaria e básica) que se imparten nos centros públicos da cidade da Coruña.
Máis información
Documentos relacionados
Síguenos en
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible