O programa distínguese por ser unha actividade complementaria cun enfoque lúdico, onde o estudantado participa activamente. As actividades adáptanse aos intereses do alumnado, cunha forte énfase no desenvolvemento de habilidades comunicativas orais e prácticas para a vida cotiá.

Organízase a través de dúas propostas diferenciadas: ENGLISH LAB (inglés) e ON PARLE (francés).

ACTIVIDADES:

1. ENGLISH LAB

Inmersión en inglés para todas as idades, baseada no xogo e en actividades que fomentan a escoita activa e a expresión oral. Busca desenvolver seguridade e fluidez, especialmente en ESO, mediante debates e conversas en confianza.

2. ON PARLE

Programa de francés para principiantes e estudantes con algo de experiencia, que combina a aprendizaxe divertida e o xogo. Fomenta a comprensión e a expresión oral, nun ambiente relaxado e motivador adaptado a cada nivel.

ORGANIZACIÓN DAS ACTIVIDADES

A oferta de ambas as actividades de cada centro será determinada pola súa ANPA, conforme á proposta de lecer da federación, e deberá ser aprobada polo Consello Escolar.

A Federación das ANPA valorará a viabilidade das actividades e poderá propoñer alternativas nos seguintes casos:

1. Non se consiga o número mínimo de participantes.

2. Se careza de persoal, materiais ou instalacións adecuadas.

3. Se un grupo xa iniciado queda por baixo do número mínimo debido a baixas ou ausencias.

ADXUDICACIÓN DE PRAZAS

As prazas adxudicaranse por rigorosa orde de inscrición, no caso de existir limitacións por razóns organizativas ou de espazo.

CONDICIÓNS DE PARTICIPACIÓN

• Cumprir as normas de convivencia do centro e manter unha actitude de respecto no desenvolvemento das actividades. En caso de non cumprirse aplicarase o protocolo disciplinario correspondente.
• A falta de asistencia continuada sen xustificación poderá supoñer a expulsión do programa sen dereito a devolución da cota aboada. Esa vacante poderá ser ocupada por outro/a escolar que a necesite por estar en lista de espera.
• Unha vez comezado o programa, se algún grupo xa formado queda por baixo do cociente mínimo establecida por falta de asistencia dos/as participantes, non podería continuar e quedaría suspendida esa actividade.
• Se unha mesma actividade, para un mesmo tramo de idade, se oferta en dúas franxas horarias diferentes, a persoa participante só poderá escoller unha desas dúas franxas horarias.
• As actividades solicitadas escolleranse entre a oferta de actividades proposta pola ANPA de cada centro.
• AUSENCIAS E BAIXAS: as solicitudes de baixa deberán facerse por escrito a través do correo electrónico: actividades@fedapascoruna.org, nos seguintes prazos:

1.º trimestre: ata o 14 de setembro

2.º trimestre: do 1 a 15 de decembro

3.º trimestre: do 1 a 15 de marzo

Se a baixa é solicitada unha vez iniciado o trimestre e fóra dos prazos establecidos, poderase solicitar a devolución proporcional da parte non gozada, tendo en conta o número de sesións restantes a partir da data de comunicación da baixa. Esta devolución efectuarase nun prazo de 30 días e poderá descontarse o custo de gastos fixos non recuperables directamente vinculados á inscrición.