Uso de cookies nas páxinas web do Concello da Coruña
Empregamos cookies propias (de sesión, de personalización, de preferencias) para mellorar a experiencia do usuario a través do sitio web e cookies de terceiros xeradas por servizos ou provedores externos ao sitio web, que recollen datos estatísticos, de uso, gustos dos usuarios, etc. Ao aceptar todas as cookies, dá o seu consentimento expreso para que as cookies propias e de terceiros sexan rexistradas e utilizadas. Ao rexeitar as cookies, acepta que só se usarán as súas propias cookies para mellorar a experiencia do usuario. Podes obter máis información, ou saber como cambiar a configuración, na nosa páxina Normas de uso
Percorridos a pé pola cidade para escolares desde os 3 até os 8anos, co obxectivo de que coñezan a súa cidade á vez que adquiren valores e actitudes cívicas, mediante actividades didácticas.
Localización do centro:
Só da Coruña
Servizo municipal:
Educación
Tipo de actividade:
Complementaria
Titularidade do centro:
Público
A quen vai dirixido?:
Alumnado de último curso (3.º EI) da Rede de Escolas Infantís Municipais (REIM)
Alumnado de EI e 1.º e 2.º cursos de EP dos CEIP do municipio da Coruña
Horario:
Dúas sesións diarias, cunha duración aproximada de 80 minutos (e mais o tempo de chegada e saída no autobús):
Sesión 1: das 10.00 ás 11.20 h
Sesión 2: das 11.30 ás 12.50 h
Prezo / Custo:
1,50 € por alumno/a. Unha vez confirmadas as rutas e elaborado o calendario definitivo, notificarase o prazo e o modo de ingreso da cota.
Rutas que se ofertan
Ruta 2 e 3 anos. Parque de Santa Margarida: espertando os sentidos (parque de Santa Margarida - contorna da Casa das Ciencias)
Temática: unha aproximación aos espazos verdes e aos recursos verdes da cidade a través dos elementos da natureza
Competencias: coñecemento e interacción co mundo físico. Lingüística
Ruta 4 anos. Historias de María Pita (praza de María Pita)
Temática: un espazo histórico-cultural onde poder vivenciar e recrear o feito histórico da batalla de M.ª Pita.
Competencias: social e cidadá. Lingüística
Ruta 5 anos. Un museo ao aire libre (Xardíns de Méndez Núñez - zona do monumento a Curros Enríquez)
Temática: unha zona dos Xardíns de Méndez Núñez que permite profundar na arte de observar, escoitar, construír e comparar.
Competencias: cultural e artística. Lingüística
Ruta 1.º EP. Xardín de San Carlos: memorias dunha batalla (Xardín de San Carlos e Museo Histórico Militar)
Temática: un espazo singular en que conxugar natureza e historia a través dos elementos que compoñen o lugar.
Competencias: coñecemento e interacción co mundo físico. Social e cidadá. Lingüística
Ruta 2.º EP. Tesouros de María Pita (praza de María Pita)
Temática: coñecer con máis detalle a praza de María Pita e os segredos que esconde unha das zonas máis emblemáticas da cidade.
Competencias: competencia social e cidadá. Competencia matemática. Lingüística
Condicións do programa
Necesidade da presenza do persoal docente co grupo e do persoal de apoio no desenvolvemento da ruta.
O número máximo de acompañantes será dunha titora ou titor por grupo-clase e unha persoa acompañante por cada escolar con NEE (se o centro o considerar necesario).
Os buses recollerán no centro o alumnado e o profesorado media hora antes do inicio da ruta para os trasladaren ao lugar onde se vai realizar o percorrido. Os/as educadores/as das rutas non irán nos buses, estarán esperando no espazo onde se desenvolve a ruta.
As rutas poderanse anular debido ás inclemencias do tempo. Se se anularen, asignarase outra data de realización. Se non que non for posible, devolveríase a cota.
Se a demanda de rutas exceder os máximos sinalados para cada unha delas, as prazas adxudicaranse por rigorosa orde de inscrición.
Entidades colaboradoras
Federación Provincial das ANPA de Centros Públicos
A realización do programa estará determinada pola evolución da pandemia da COVID-19. Nas datas indicadas, abrimos o prazo de inscrición e, antes de pórmos en marcha o programa, revisaremos as condicións de desenvolvemento deste co fin de o adaptarmos aos protocolos de aplicación para a prevención fronte á COVID-19.
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge.
Instalar agora un navegador compatible