Tras o veredicto da comisión de valoración, unha vez analizadas as memorias dos tres centros educativos solicitantes segundo os criterios de valoración dos proxectos recolleitos nas bases do programa, será o grupo de 6º curso do CEIP de Prácticas o que visite o municipio portugués de Guimarães os días 11, 12 e 13 de maio.

Esta estancia forma parte do "V Intercambio Escolar Eixo Atlántico ", un programa que busca facilitar o intercambio entre escolares dos diferentes municipios de Galicia e Norte de Portugal integrantes do Eixo Atlántico, para compartir experiencias entre escolares; especificamente, dar a coñecer a cidade da Coruña ao alumnado dun centro educativo dun municipio portugués, neste caso a cidade de Guimarães.