O programa "Cinema na escola" persegue converter a cada alumno/a en verdadeiro o protagonista da aprendizaxe, xa que cada participante é capaz de desenvolver os seus talentos, traballar en equipo, desenvolver a súa creatividade, aprender, e expresar emocións e contar historias.

REQUISITOS

• A elaboración da curtametraxe polo alumnado participante realizarase utilizando como ferramenta os teléfonos móbiles.
• As curtametraxes terán que ser en lingua galega e deben entregarse no mes de abril.

ORGANIZACIÓN DO PROGRAMA

O programa consta de:

• Talleres formativos "en liña" ou presencial de iniciación á creación audiovisual; formación e asesoramento presenciais nas tarefas de filmación e montaxe, co obxecto de darlle ferramentas ao alumnado para poder elaborar unha curtametraxe.
• Celebración do concurso: a presentación das curtametraxes farase nunha ou dúas gala/s final/é na que un xurado cualificado elixirá os curtos gañadores nas distintas categorías.

1. TALLERES FORMATIVOS

levará a cabo unha formación específica para o profesorado a efectos de que poidan traballar na aula a creación dunha curtametraxe sobre un tema libremente decidido polo alumnado; nela abordaranse aspectos relacionados coa ceración e produción audiovisual.

1. A formación inicial on-line (ou presencial) desenvolverase a través dunha plataforma e constará dun mínimo de 2 sesións de 90 minutos cada unha, no horario para determinar cos centros participantes.

2. Terminada a fase de formación en liña haberá unha segunda fase de formación individual presencial e de seguimento do proxecto, onde os equipos poderán comezar o traballo de guionización, gravación, edición e montaxe final das curtametraxes.

A estimación do número de horas destinado a esta formación individualizada e presencial será de 5 horas por grupo.

3. Creación dás curtametraxes. Unha vez finalizada a formación vos equipos participantes procederán a realizar a redacción do guión, gravación, edición e montaxe final.

Ao longo deste proceso, a empresa organizadora deberá asignar a unha acode especialista na materia, que estará dispoñible para resolver cualquer dúbida e axudar de maneira telemática aos grupos participantes.

A empresa organizadora, en coordinación co SME establecerá os períodos formativos, de acordo cos centros educativos participantes.

2. CELEBRACIÓN DO CONCURSO

Entrega de curtametraxes

Unha vez materializado o produto final, as curtametraxes deberán de subirse á plataforma Youtube, usando a conta Gmail do colexio ou creando unha específica para tal fin, en a dirección facilitada e enviando a ligazón correspondente ao correo proporcionado pola empresa organizadora, ata o 30 de abril.

Para a valoración das curtametraxes presentadas, designarase un xurado composto por, polo menos 3 membros especialistas na materia, actuando como secretaria un/a técnico/a de o Servizo Municipal de Educación, que levantará acta do desenvolvemento e conclusións do fallo, podendo quedar deserto algún premio.

O xurado visionará as curtametraxes presentadas para a súa valoración e propoñerá unha selección de catro proxectos finalistas como candidatos de cada un dos premios propostos, nas 2 categorías: primaria e secundaria. O xurado facilitará en sobres lacrados o nome da curtametraxe gañadora de cada un dos premios do concurso en ambas as categorías.

Os premios propostos por cada categoría serán os seguintes:

1. Mellor curtametraxe
2. Mellor interpretación
3. Mellor guion
4. Mellor fotografía
5. Mellores efectos visuais
6. Mellor edición e montaxe
7. Mellor edición de audio
8. Mellor curtametraxe por votación popular. O público terá acceso "on-line" ás curtametraxes podendo votar o seu curto favorito antes do día anterior á celebración da gala.

A proposta de premios poderá verse ampliada (por exemplo, 1º e 2º premios de cada categoría ou mencións especiais a valores, comedia e esforzo, ) en función do número de grupos participantes.

O premio para cada un dos grupos premiados consistirá en galardóns e figuras.

Gala Final

O xurado propoñerá unha selección dos proxectos finalistas como candidatos a cada un dos premios propostos; que serán entregados nunha Gala Final por cada categoría, no Centro Sociocultural Ágora os días 19 e 20 de maio de 2026 (por confirmar), en horario a determinar, na que serán proxectados fragmentos dos finalistas e serán desvelados os grupos gañadores e entregados os premios correspondentes.