A concelleira de Benestar Social, Igualdade e Participación, Yoya Neira, entregou esta mañá o premio nacional Educando en Igualdade, baixo o lema "Ama en igualdade. Di non á violencia de Xénero", ao alumnado do curso 6ºB do colexio Calasanz Escolapios da Coruña polo seu vídeo "Ocultas".

O galardón, unha iniciativa de UGT que xa vai pola súa quinta edición, ten como obxectivos consolidar no alumnado a aprendizaxe dos valores sobre os que se asenta o principio de igualdade entre mulleres e homes, contribuír á creación de referentes positivos de relación afectiva que posibilite a prevención da violencia de xénero, cooperar ao logro das competencias básicas, especialmente daquelas relacionadas coa comunicación, a autonomía persoal, etc. e superar os estereotipos existentes sobre a violencia.

O segundo premio otorgouse ao IES Cuenca Minera de Huelva, Andalucía, e o terceiro recaeu no CEIP Rajoletes, na localidade valenciana de Sant Joan d´Alacant.os

Nesta ligazón pode visionarse a peza audiovisual que gañou o primeiro premio: https://www.fespugt.es/sectores/ensenanza/noticias/26342-fallado-el-v-concurso-de-audiovisuales-ama-en-igualdad-di-no-a-la-violencia-de-genero