A Xunta de Goberno Local aprobou hoxe un investimento de máis de 424.000 euros que o Concello destinará á instalación do quinto contedor, ao abeiro da adhesión da Coruña ao Convenio Marco de Colaboración entre a Comunidade Autónoma de Galicia e Ecoembes, que fará posible a implantación na cidade do quinto contedor, de cor gris, para a recollida separada de residuos de fracción resto antes de final de ano.

Neste sentido, este mércores deuse luz verde á modificación do contrato de contenerización e recollida de residuos urbanos coa UTE Atlántica, aboando os fondos necesarios para cambiar as tapas e rotular 5.028 contedores existentes que se destinarán á denominada fracción resto, tal e como informou a alcaldesa, Inés Rey. A compañía asumirá tamén o seu mantemento.