1. Respira!

As/os participantes deben ir avanzando pola ortofoto para chegar dun punto a outro que lle indique unha das monitoras, poñendo un pé pegado ao outro. Como o fume dos coches é prexudicial, deben aguantar a respiración fóra das zonas verdes da Coruña.

2. Esquío Coruñés

Os protagonistas debían de chegar dun punto a outro do mapa saltando de zona verde en zona verde. Podían dar rodeos, e mesmo volver cara atrás, pero só era factible desprazarse dando saltos entre árbore e árbore!

3 .As 7 diferenzas

Cando houbo varios participantes formáronse dous equipos e, nun tempo máximo de 2 minutos, debían de atopar o número máximo de diferenzas entre as dúas ortofotos. O que explique máis diferenzas relacionadas coa mobilidade era o gañador.

4. Carreira de bicis

Os participantes deben formar dous equipos de ciclistas. O primeiro dos equipos xogará na ortofoto nova e o outro o facía na antiga. Establecíase entón un punto de partida e outro de chegada e os nenos/ nenas debían de avanzar da seguinte maneira: polo carril bici deben ir poñendo un pé pegado ao outro, avanzando cara adiante. Pola a estrada, como tardan máis porque deben de sortear o tráfico, avanzan poñendo un pé pegado ao outro, pero de lado, polo que o seu progreso é máis lento.

Para adaptar o xogo a diferentes idades, ás persoas adultas acompañantes indicaráselles como puntos no mapa unha rúa, unha praza... e aos nenos e nenas sinalaráselles un punto concreto desde o que partir.

Para xogar en familia, deberán ser os pais e nais os que atopen os puntos no mapa e guíen aos seus fillos e fillas no mapa.