- Inicio
- Detalle Contenido
Saímos en bicicleta coa Policía Local
Dentro do marco da celebración da Semana Europea da Mobilidade, participa a Policía Local da Coruña
Dentro da programación da Semana Europea da Mobilidade, a sección de Educación Viaria da Policía Local da Coruña, organizou unha saída en bicicleta cun percorrido desde o centro escolar ata a exposición da Semana Europea da Mobilidade, nos Cantóns.
Participou o Centro Escolar CEIP Aneja de Prácticas, alumnado de 5º de Educación Primaria.
OBXECTIVOS:
- Comprender que finalidade ten a SEM
- Razoar o motivo polo que se sumaron a esta efeméride
- Concienciar acerca da necesidade e as vantaxes de desprazarse en bicicleta como medio de transporte sostible
- Aprender a circular pola cidade en bicicleta acompañados pola Policía Local
- Aprender a normativa da bicicleta: uso do casco, sinalización cos brazos...
- Descubrir as vantaxes físicas e psicolóxicas da mobilidade en bicicleta nos alumnos.
- Crear vínculos de confianza coa figura da policía local desde unha actividade lúdica e educativa
A semana previa organizouse a disposición de bicicletas para todo o alumnado, a aqueles que non dispoñían de bicicleta facilitóuselles unha de Policía Local e de BiciCoruña.
|
1º Saída en bicicleta primeiro traxecto Colexio- Cantóns Ás 09.45h iniciábase a saída co alumnado para o que se montou un dispositivo policial con 2 motoristas, 1 vehículo patrulla, 1 ciclista e Protección Civil. Co seguinte percorrido:
Naquelas rúas que son direccións contrarias, cortouse o tráfico para garantir a seguridade dos menores. |
2º Visita á exposición da SEM nos Cantóns. Ás 10.45h, chegados aos Cantóns, deixáronse as bicicletas nun apartado con valos preparados previamente. O alumnado realizou varias actividades relacionadas coa SEM, visita ás distintas exposicións e mesmo demostracións de como se sinaliza a cidade, para finalmente acabar realizando xogos que favorecen a integración das persoas con diversidade funcional, dirixidos pola Asociación Grumico. |
Circuíto Viario
Desde as 12.15h ás 13.15h.
De novo subíronse nas bicicletas para circular ata a rúa Compostela, onde se montou previamente un Circuíto Viario coa colaboración da Policía Local de Narón que nos presta o seu remolque.
Regreso ao centro educativo
Ás 13.15h subíronse de novo ás bicicletas, e co mesmo dispositivo policial iniciouse o camiño de retorno ao escolar co seguinte percorrido:
- Compostela
- Juana de Veiga
- Praza de Pontevedra
- Modesta Goicouría
- Paseo Marítimo Pedro Barrié da Maza
- Av. De San Roque de Fóra
- Paseo de Rolda
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible